Հայաստանը Ատրպէյճանին կ’առաջարկէ 16 յօդուածով խաղաղութեան պայմանագիր՝ չհամաձայնեցուած յօդուածներու քննարկումը թողելով ապագային:
ՀՀ-ն Ատրպէյճանին չ’առաջարկեր 13 յօդուածով խաղաղութեան պայմանագիր, այլ կ’առաջարկէ 16 յօդուածով խաղաղութեան պայմանագիր, կառավարութեան հետ հարցուպատասխանի ժամանակ յայտարարեց վարչապետ Նիկոլ Փաշինեան, ապա պարզաբանեց:
«Մենք բոլոր 16 յօդուածների համար ունենք համաձայնեցուած բովանդակութիւն, երեք յօդուածի համար այդ բովանդակութիւնն ի սկզբանէի հետ համեմատած մասամբ է համաձայնեցուած, այսինքն՝ 13 առաւել 3, այսինքն 16 յօդուածով պայմանագիր»,- նշեց Փաշինեան:
Կառավարութեան ղեկավարը նաեւ տեղեկացուց, որ խաղաղութեան պայմանագիրը ի սկզբանէ ունեցած է 18 յօդուած, յիշեցուց՝ դուրս եկած է ապաշրջափակման յօդուածը, այժմ ալ պայմանագիրը ունի 17 յօդուած, որմէ մէկն ալ, ըստ Փաշինեանի, առհասարակ համաձայնեցուած չէ:
