Պաշտպանութեան նախարարի առաջին տեղակալ, Զինուած Ուժերու Գլխաւոր Շտաբի պետ, զօրավար-լեյթենանթ Էտուարտ Ասրեանը Լոնտոնի մէջ մասնակցած է Ցամաքային պատերազմավարման հարցերուն նուիրուած ամէնամեայ համաժողովին։
Ըստ հայկական կողմին` համաժողովին նպատակն էր, մասնաւորապէս, ուսումնասիրել պատերազմավարման ցամաքային տիրոյթին մէջ առկայ սպառնալիքները, անոնց դիմագրաւման հնարաւոր ուղիները, գործընկերային լուծումները։
Համաժողովի շրջանակին մէջ Ասրեան հանդիպում ունեցած է բրիտանական բանակի գլխաւոր շտաբի պետ, զօրավար Ռոլանտ Ուոքըրի հետ, քննարկած է պաշտպանութեան ոլորտին մէջ առկայ համագործակցութեան շրջանակը եւ անոր հետագայ զարգացման ու ընդլայնման հնարաւորութիւնները։
2023-ի Նոյեմբերի վերջաւորութեան Լոնտոնի մէջ բացուեցաւ Հայաստանի նոր դեսպանատունը, տրուեցաւ Հայաստան-Միացեալ Թագաւորութիւն ռազմավարական երկխօսութեան մեկնարկը։
