Ատրպէյճանը կը սրէ հակամարտութիւնը Ֆրանսայի հետ՝ Հայաստանին այդ երկրին կողմէ զէնք մատակարարելու լոյսին տակ, կը գրէ «Bloomberg»-ը։
Կը նշուի, որ Պաքուի նախաձեռնող խումբը, որ սերտ կապեր ունեցող կազմակերպութիւն է Ատրպէյճանի կառավարութեան հետ, քարոզարշաւ կ՛իրականացնէ քանի մը շրջաններու մէջ Փարիզի կառավարման վերջ տալու համար՝ աջակցելով տեղական աքթիվիսթներուն այնպիսի վայրերու մէջ, ինչպիսիք են Փոլինեզիան եւ Նոր Քալետոնիան:
Ըստ յօդուածին՝ Պաքուի եւ Փարիզի միջեւ առճակատումը, ամենայն հաւանականութեամբ, պիտի սրի, քանի որ Ֆրանսան, ուր կը բնակի մեծ հայկական սփիւռք, Երեւանի հետ զէնքի մատակարարման պայմանագիր կնքած է:
Կ’ակնկալուի, որ Փարիզը շարունակի իր ռազմական աջակցութիւնը Հայաստանին՝ անկախ նախագահ Էմանուէլ Մաքրոնի նշանակած արտահերթ ընտրութիւններու արդիւնքներէն։
«Անշուշտ, Ատրպէյճանը ինք միլիառաւոր տոլարներ ծախսած է զէնքի մատակարարումներու վրայ, այդ շարքին՝ արտաքին ուժերէն, ինչպիսիք են Թուրքիան, Իսրայէլը եւ Ռուսաստանը։ Սա անոր օգնած է 2020 թուականէն ի վեր երկու պատերազմ մղած է լեռնային Ղարաբաղի դէմ։
Միեւնոյն ժամանակ, ինչպէս նշած է ֆրանսացի փորձագէտ Ֆուք Վին Նկույենը, Եւրըխորհրդարանը բանաձեւ ընդունած է, որով կոչ կ’ընէ դադրեցնելու ուժանիւթային համագործակցութիւնը Ատրպէյճանի հետ երկրին մէջ քաղաքական բանտարկեալներու առկայութեան եւ մարդու իրաւունքներու խախտումներու պատճառով»,- ըսած է «Bloomberg»-ի փորձագէտը՝ մատնանշելով Ատրպէյճանի կողմէ ուժի կիրառումը եւ Լեռնային Ղարաբաղի մէջ մարդու իրաւունքներու խախտումները։
