Վարչապետ Նիկոլ Փաշինեան Կապանի մէջ «Ազատութեան» հարցին՝ «հնարաւո՞ր է՝ սահմանազատման յաջորդ փուլը հէնց Սիւնիքէն սկսի», արձագանգեց. «Այո՛, հնարաւոր է, բայց որեւէ ուրիշ տարածքի մէջ ալ հնարաւոր է»:
«Գիտէք, որ էս պահին մենք կանոնակարգի նախագծի վրայ ենք աշխատում, եւ ըստ նախնական պայմանաւորուածութեան, նաեւ Ապրիլ 19-ի արձանագրութեան մէջ դա հաստատուած է, որ կանոնակարգի հաստատումից յետոյ յանձնաժողովները կ’որոշեն՝ որն է»,- նշեց Փաշինեանը:
«Ես ուրիշ բանի վրայ եմ ձեր ուշադրութիւնը ուզում հրաւիրել, որ, տեսէք, ես երեկուանից Սիւնիքի մարզում եմ եւ տասնեակ հանդիպումներ եմ ունեցել՝ ե՛ւ սահմանամերձ, ե՛ւ ոչ-սահմանամերձ բնակավայրերում, ակնյայտ է, որ խաղաղութեան օրակարգը, իրական Հայաստանի օրակարգը եւ խաղաղութեան օրակարգը մեր ժողովրդի կողմից ընկալուած է: Սա շատ կարեւոր, ինձ համար շատ կարեւոր, այ սա, յատկապէս էս արձանագրման համար, եւ ինչը նշանակում է, որ մենք կարողացել ենք հաղորդակցել մեր ժողովրդին, թէ մենք ինչ ենք անում եւ ինչի համար ենք անում, ինչը շատ կարեւոր է»,- ընդգծեց վարչապետը:
Այդ ծիրին մէջ, ըստ Փաշինեանի, «սահմանազատման հարցերը, միւս հարցերը, իրանք դառնում են աշխատանքային հարցեր, որ, ի հարկէ, Կառավարութիւնը պիտի շարունակի լայնօրէն իրազեկել ժողովրդին, թէ ինչ է տեղի ունենում, ինչի է տեղի ունենում, որն է դրա նպատակը, որոնք են բարդութիւնները, որոնք են վտանգները, որոնք են վտանգները կառավարելու մեր գործիքակազմը եւ մեթոտները, եւ էդ տրամաբանութեամբ պէտք է շարունակենք առաջ շարժուել»:
