Home ԳԼԽԱՒՈՐ ԼՈՒՐԵՐ Վարչապետի Հրաժարականի Պահանջով ԱԺ Արտահերթ Նիստ Գումարելու Ընդդիմութեան Միջնորդութիւնը Մերժուած Է

Վարչապետի Հրաժարականի Պահանջով ԱԺ Արտահերթ Նիստ Գումարելու Ընդդիմութեան Միջնորդութիւնը Մերժուած Է

by MassisPost

ՀՀ Ազգային Ժողովի խորհուրդը մերժած է վարչապետ Նիկոլ Փաշինեանի հրաժարականի պահանջով ԱԺ արտահերթ նիստ գումարելու ընդդիմութեան միջնորդութիւնը։

Յիշեցնենք՝ ընդդիմադիր «Հայաստան» եւ «Պատիւ Ունեմ» խմբակցութիւնները միջնորդութիւն ներկայացուցած էին Ազգային Ժողովի Խորհուրդին՝ վաղը կամ մինչեւ Յունիս 17-ը արտահերթ նիստ գումարելու պահանջով՝ Ազգային Ժողովի ուղերձը կառավարութեան հրաժարականի եւ նոր կառավարութեան ձեւաւորման մասին օրակարգով։

Աւելի վաղ, սակայն, ընդդիմութիւնը յայտարարած էր, որ կը պատրաստուին վարչապետի իմփիչմենթի գործընթաց սկսելու: Անոր համար անոնց անհրաժեշտ էր առնուազն 36 ստորագրութիւն։

Խորհրդարանի նախագահ Ալէն Սիմոնեան լրագրողներու հետ զրոյցին նշած է, որ Կառավարութեան հրաժարականի եւ նոր կառավարութեան ձեւաւորման մասին ուղերձ ընդունելու իմաստը չի տեսներ, քանի որ կառավարութիւնն ու վարչապետը կը վայելեն ժողովուրդին վստահութիւնը։

Հարակից Նյութեր

Leave a Comment