Հայաստանի արտաքին գործերու փոխնախարար Վահան Կոստանեան ըսած է, որ Իրանի գործողութիւններուն եւ յայտարարութիւններուն շնորհիւ 2022 թուականի Սեպտեմբերին կարելի եղաւ խուսափիլ Ատրպէյճանի յարձակման հետագայ ծաւալումէն:
«Մենք հետախուզական տուեալներ ունէինք, որ Ատրպէյճանն աւելի մեծ գրոհներ էր պատրաստում, երբ յարձակուեց Հայաստանի վրայ նախորդ տարուայ Սեպտեմբերին: Իրանի գործողութիւններն ու յայտարարութիւնները օգնեցին կանգնեցնել իրավիճակի հետագայ վատթարացումը», ըսած է Վահան Կոստանեանը «Al-Monitor» պարբերականի հետ զրոյցին:
Արտաքին գործերու փոխնախարարը նշած է, որ իրանեան զինամթերքի գնման հարց Հայաստանի օրակարգին վրայ չկայ:
Խօսելով Ատրպէյճանի նպատակներուն մասին, արտաքին գործերու փոխնախարարը առանձնացրուցած է երեքը.
«Լեռնային Ղարաբաղում ցեղային զտում իրականացնել, տարածաշրջանում լայնածաւալ ռազմական լարուածութիւն հրահրել եւ ստիպել Հայաստանին արտատարածքային միջանցք տրամադրել»:
