ՀՀ վարչապետ Նիկոլ Փաշինեան այցելած է Պաշտպանութեան Նախարարութիւն` գերատեսչութեան 2022 թուականի գործունէութեան հաշուետուութիւնը քննարկելու նպատակով:
Խորհրդակցութեան մասնակցած են փոխվարչապետեր Մհեր Գրիգորեանը եւ Տիգրան Խաչատրեանը, վարչապետի աշխատակազմի ղեկավար Արայիկ Յարութիւնեանը, պաշտպանութեան նախարար Սուրէն Պապիկեանը, պաշտպանութեան նախարարի առաջին տեղակալ, Զինուած Ուժերու Գլխաւոր Շտաբի պետ, զօրավար Էտուարտ Ասրեանը, ելեւմուտքի նախարար Վահէ Յովհաննիսեանը, Պետական Վերահսկողական Ծառայութեան ղեկավար Ռոմանոս Պետրոսեանը, Զինուած Ուժերու բարձրագոյն սպայակազմը եւ պաշտօնատար այլ անձեր:
Պատասխանատուները ներկայացուցած են 2022 թուականին պաշտպանական գերատեսչութեան կողմէ իրականացուած բարեփոխումներն ու այլ ուղղութիւններով կատարուած աշխատանքները:
