Հ.Բ.Ը.Մ.ի Գրիգոր Սաթամեան թատերախումբի վարչութիւնը անցեալ Կիրակի, Նոյեմբեր 13, 2022ին կազմակերպած էր շնորհանդէս մը, նուիրուած տաղանդաւոր բեմադրիչ, թատերագիր եւ դերասան Գիրգոր Սաթամեանի «Թատերական Ուղեւորութիւնս» գիրքին: Հակառռակ նոյն օրուան տարբեր միջոցառումներուն, խուռներամ բազմութիւն մը փութացած էր Փասատինայի Հ.Բ.Ը.Մ. ի Պոյաճեան սրահ:
Այս առթիւ մեծ արուեստագէտի կեանքին եւ 60 տարիներու բեղուն գործունէութեան մասին խօսեցան օրուան հանդիսավար Գէորգ Քէօշկերեան եւ մասնաւորաբար` գլխաւոր բանախօս Տոքթ. Գրիգոր Սիմոնեանը:
Խօսք առաւ նաեւ վաստակաշատ մեծարեալը Գրիգոր Սաթամեան: Ան իր խորին շնորհակալութիւնները յայտնեց գիրքի մեկենաս Տիար Նազարէթ Գեւոնեանին եւ աջակից Ենովք Պալիկեանին: Գ. Սաթամեան իւրայատուկ հիւմորով համեմուած դրուագներ պատմեց իր անցեալի գործունէութենէն:
Ողջոյնի խօսքով հանդէս եկաւ Տիգրան Էքիզեան եւ դրուագներ պատմեց Գ. Սաթամեանի թատերական կեանքէն:
Գնահատելի նախաձեռնութիւն մըն էր«Պատիւս արժանաւորաց»:
