Նախագահ՝ Արմէն Սարգսեանի Օգոստոս 2-ի հրամանագիրով՝ Նիկոլ Փաշինեան նշանակուեցաւ վարչապետ։
Հրամանագրի բովանդակութիւնը տեղադրուած է նախագահի պաշտօնական կայքէջը։
Ըստ Սահմանադրութեան 149-րդ յօդուածի 1-ին մասի՝ «Հանրապետութեան նախագահը նորընտիր Ազգային ժողովի լիազօրութիւնների ժամկէտն սկսուելուց յետոյ անյապաղ վարչապետ է նշանակում Սահմանադրութեան 89-րդ յօդուածով սահմանուած կարգով ձեւաւորուած խորհրդարանական մեծամասնութեան ներկայացրած թեկնածուին»:
Նիկոլ Փաշինեանը վարչապետի պաշտօնակատարն էր 2020-ի Ապրիլ 25-էն, երբ Յունիս 20-ի արտահերթ խորհրդարանական ընտրութիւններու նպատակով հրաժարական տուաւ։
Պապիկեան՝ Փոխվարչապետ, Կարապետեան՝ Պաշտպանութեան, Պետրոսեան՝ Շրջակայ Միջավայրի, Մկրտչեան՝ Սոցապ Նախարարներ
Նախագահ՝ Արմէն Սարգսեան վարչապետ՝ Նիկոլ Փաշինեանի կողմէ առաջարկ ստացած է Սուրէն Պապիկեանը նշանակել փոխվարչապետ, Արշակ Կարապետեանը՝ պաշտպանութեան, Ռոմանոս Պետրոսեանը՝ շրջակայ միջավայրի, Նարեկ Մկրտչեանը՝ սոցապ (Աշխատանքի եւ Ընկրեային հարցերու նախարարութիւն) նախարարներ։
Փոխվարչապետի պաշտօնի առաջադրուած Սուրէն Պապիկեանը մինչ այդ կը կատարէր տարածքային կառավարման եւ ենթակառուցուածքներու նախարարի պարտականութիւնները, միւս երեք նախարարները այս պահուն ալ, փաստացի, կը ղեկավարեն այդ գերատեսչութիւնները։
Աւելի ուշ նախագահը ստորագրեց համապատասխան առաջարկները։
