Home ԳԱՂՈՒԹԱՅԻՆ Ս.Դ. Հնչակեան Կուսակցութեան Վարիչ Մարմնի Հանդիպումը ՀՀ Գլխաւոր Հիւպատոս Արմէն Բայբուրդեանի Հետ

Ս.Դ. Հնչակեան Կուսակցութեան Վարիչ Մարմնի Հանդիպումը ՀՀ Գլխաւոր Հիւպատոս Արմէն Բայբուրդեանի Հետ

by MassisPost

Չորեքշաբթի, Յունիս 30-ին Հայաստանի Հանրապետութեան Լոս Անճելըսի հիւպատոսարանէն ներս, ՍԴՀԿ Արեւմտեան Ամերիկայի Վարիչ Մարմինը ներկայացնող պատուիրակութիւնը հանդիպում ունեցաւ ՀՀ գլխաւոր հիւպատոս` դեսպան Արմէն Բայբուրդեանի հետ:

Հանդիպման ընթացքին ՍԴՀԿ-ի ներկայացուցիչները շնորհաւորեցին Հայաստանի ժողովուրդին, որ Յունիս 20-ի արտահերթ խորհրդարանական ընտրութիւններուն կարողացաւ տէր կանգնիլ ազատ ընտրելու իր իրաւունքին ու կայացնել իր հաւաքական որոշումը: Պատուիրակութիւնը նաեւ շնորհաւորեց Վարչապետ Նիկոլ Փաշինեանը ու անոր գլխաւորած Կուսակցութիւնը` արձանագրած տպաւորիչ յաղթանակին առթիւ:

Այս առթիւ ՍԴՀԿ ներկայացուցիչները բարձր գնահատեցին Գլխաւոր Հիւպատոս Բայբուրդեանի գործունէութիւնը Արեւմտեան ափի նահանգներուն մէջ եւ խիստ կարեւոր հանդիպումները Ամերիկեան կառավարական կառոյցներու ներկայացուցիչներուն հետ:

Դոկտ. Բայբուրդեան շնորհակալութիւն յայտնեցին այս հանդիպումին համար եւ բարձր գնահատեց ՍԴՀԿ-ի հետ շարունակուող սերտ համագործակցութիւն: Ան նաեւ անդրադարձաւ համայնքի ներուժը համախմբելու ու զայն ի սպաս Հայաստանի պետականութեան ամրապնդման ուղղելու կարեւորութեան:

Գլխաւոր Հիւպատոսը անդրադարձաւ Հայաստան մէջ տեղի ունեցած դրական զարգացումներուն ու ներկայացուց Հիւպատոսութեան ծրագիրները, որոնք նախատեսուած են յառաջիկայ ամիսներու ընթացքին, որոնց շարքին` Եութա նահանգին մէջ տեղի ունենալիք առեւտրական քոնֆերանսը եւ ԱՄՆ-ի համալսարաններուն հետ ուսանողներու փոխանակման ծրագիրները:

Հնչակեան Կուսակցութեան ներկայացուցիչները վերահաստատեցին Կուսակցութեան պատրաստակամութիւնը այսուհետեւ եւս աջակցելու եւ օժանդակելու ՀՀ հիւպատոսութեան ծրագիրներուն:

ՍԴՀԿ Վարիչ Մարմնի կողմէ հանդիպման ներկայ էին` Վազգէն Խոտանեան, Վահէ Աջապահեան, Կարինէ Տեբոյեան եւ Ռուբէն Մուղալեան:

Հարակից Նյութեր

Leave a Comment