Նախկին փոխվարչապետ, 2008-ին նախագահի աշխատակազմի նախկին ղեկավար՝ Արմէն Գէորգեանին նոր մեղադրանք առաջադրուած է ։
Ըստ Յատուկ քննչական ծառայութեան՝ Գէորգեան մեղադրուած է առանձնապէս խոշոր չափերով` շուրջ 5 միլիառ դրամի` յանցաւոր ճանապարհով ստացուած եկամուտները օրինականացնելու համար (փողերու լուացում) [Քրէական օրէնսգրքի 190-րդ յօդուածի 3-րդ մասի 1-ին եւ 3-րդ կէտերով]։
Յիշեցնենք, որ Գէորգեան Մարտի 1-ի գործով մեղադրուած էր սահմանադրական կարգը տապալելուն օժանդակելու մէջ եւ արդարացուեցաւ Սահմանադրական դատարանի կողմէ Քրէական օրէնսգրքի 300․1 յօդուածը հակասահմանադրական ճանաչելուելէն յետոյ։ Այդուհանդերձ, կը շարունակուի գործարար՝ Սիլվա Համբարձումեանէն կաշառք ստանալու գործը, որով կ’անցնին պաշտօնաթող նախագահ՝ Ռոպերթ Քոչարեանն ու Արմէն Գէորգեանը։
