«Այսօրուայ այս վիճակը, որ մենք տեսնում ենք, ցաւ է պատճառում «Ազատամարտիկների Դաշինքի» մեր տղաներին, «Առաջին Լրատուականի» հետ զրոյցի ընթացքին է Դաշինքի անդամ Վլադիմիր Առաքելեանը:
«Ստով ու կեղծիքով իրավիճակը պղտորում են, լարում են մարդկանց իրար դէմ: Մեզ շատ է յուզում ներկայ վիճակը: Այսօր նրանք, ովքեր ուզում են գալ իշխանութեան եւ դրա համար կոկորդ են պատռում, ստոր ձեւով են դա անում:
Մենք տեսել ենք թ՛է Ռոբերտ Քոչարեանի, թ՛է Սերժ Սարգսեանի կառավարման տարիները: Դրանք հիմա նորից եկել են, մի քանի լնգուլաւազ էլ հաւաքել են կողքերը ու ուզում են նորից ժողովրդի իշխանութիւնը վերցնեն: Մենք՝ «Ազատամարտիկների Դաշինքի» տղաները, թոյլ չենք տալու նրանց վերարտադրութիւնը: Հայաստանը խաղադաշտ չի, փորձադաշտ չի, որ ով գայ, ինչ ուզենայ՝ անի: Ժողովուրդը ընտրել էր Նիկոլին ու նորից կ՛ընտրի Նիկոլին: Ուղղակի Հայաստանի համար դեմոկրատիան շուտ էր: Տեսա՞ք՝ ինչ եղաւ դեմոկրատիան»:
Պատասխանելով վերջին իրադարձութիւններու ընթացքին Քոչարեանի դերակատարութեան մասին Առաքելեան ըսած է.- «Երկրում տեղի ունեցող բոլոր կեղտոտ կաշաները սարքում է անմիջապէս Ռոբերտ Քոչարեանը: Տենց նենգաբար վարուել, խօսել ամբողջ ազգի հետ, ես ուղղակի զարմանում եմ: Զարմանում եմ նաեւ, թէ ոնց կարելի է թողնել, որ նրա նմանը մասնակի ընտրութիւններին: Էդ մարդը պէտք է բերդում փտեր: Նրա հետ պէտք է լինէր այն, ինչ նա արել է մեր բոլոր տղաների հետ: Նա բերդերը լցրել էր մեր նման տղաներով, ինքը պէտք է փտեր բերդում:
«2003 թուականի նախագահական ընտրութիւնների ժամանակ ես եղել եմ վստահուած անձ: Նա այդ ժամանակ, որ իշխանութիւն էր, հաւաքել էր ընդամէնը 3 տոկոս: Իսկ հիմա մենք պարզապէս թոյլ չենք տայ, որ նման մի վիժուածք գա Հայաստանի Հանրապետութեան ղեկավար կամ որեւէ այլ բան դառնայ: Դրա դէմքին նայելուց միայն հասկանալի է, թէ ինչ է իրենից ներկայացնում: Իրա կողքի լնգուլավազներն էլ չեն օգնի նրան: Հայ ժողովուրդը դա թոյլ չի տայ: Անգամ փողով, ֆեյքերով, տօ չգիտեմ՝ ուրիշ ինչ-որ բանով նա չի կարող հայ ժողովրդից ձայն ստանալ: Էլ առաջուանը չի: Բացառուած է, որ իրենք հետ գան: