Արցախին մէջ ստեղծուած իրավիճակը քննարկած են վարչապետ՝ Նիկոլ Փաշինեանը եւ Ֆրանսայի նախագահ՝ Էմմանուէլ Մաքրոնը երէկ՝ Նոյեմբեր 19-ին կայացած հեռախօսազրոյցի ժամանակ:
Հայաստանի վարչապետի աշխատակազմի տեղեկատւութեան եւ հասարակայնութեան հետ կապերու վարչութեան հաղորդմամբ՝ երկուստեք ընդգծուած է ԵԱՀԿ Մինսքի խումբի համանախագահութեան աշխատանքներու լիարժէք վերականգնման կարեւորութիւնը:
Քննարկուած է վերջին շաբաթներու ընթացքին իրենց տուները լքած տասնեակ հազարաւոր մարդոց անխափան եւ անվտանգ վերադարձի ապահովման հարցը եւ նշուած է Արցախի կրօնական եւ պատմամշակութային ժառանգութեան պահպանութեան կարեւորութիւնը:
Կարեւորուած է տարածաշրջանին խաղաղութեան պահպանումն ու իրավիճակի հետագայ լիցքաթափումը:
«Այդ առումով ՀՀ վարչապետը նշել է Արցախի Հանրապետութեան միջազգային ճանաչման հիմնարար նշանակութիւնը», – ըսուած է հաղորդագրութեան մէջ:
Յիշեցնենք, որ Ֆրանսայի Ծերակոյտը Նոյեմբեր 25-ին պիտի քննարկէ Արցախի անկախութիւնը ճանաչելու բանաձեւի նախագիծը: