Ֆրանսայի մէջ կ’արգիլեն թրքական «Գորշ գայլեր» ծայրայեղ ազգայնական խմբաւորումը, անցեալ հանգստեան օրերուն պղծուելէ ետք Հայոց ցեղասպանութեան յուշահամալիրը: Այս մասին յայտարարած է Ֆրանսայի Ներքին Գործոց Նախարար ղեկավար՝ ժերալտ Տարմանին, կը յայտնէ AFP-ն:
Նախարարի խօսքով՝ «Գորշ գայլեր»ը արգիլելու մասին որոշումը Ֆրանսայի նախարարներու նստավայր կը փոխանցուի չորեքշաբթի օր:
Միւս կողմէ, Լիոնի մէջ թուրքերը վանդալութեան ենթարկած են Հայաստանի Հանրապետութեան գլխաւոր հիւպատոսութեան շէնքը: «Արմէնբրես»-ի հաղորդմամբ՝ այս մասին «դիմատետրի» ընկերային ցանցի իր էջով տեղեկացուցած է «France 24»-ի լրագրող՝ Աչրեն Վերտիան՝ հրապարակելով լուսանկար:
«Լիոնի ՀՀ գլխաւոր հիւպատոսութեան պատին նոր հակահայկական գրառում յայտնուած է, ուր կը յիշեցնեն Հայոց ցեղասպանութեան մասին, ինչպէս նաեւ «Գորշ գայլեր» կազմակերպութեան հաւատարմութիւնը Թուրքիոյ նախագահ՝ Ռէճէպ Թայէպ Էրտողանին»,- գրած է Վերտիան: