Երկուշաբթի, Յուլիսի 20-ի առաւօտեան, Լոս Անճելոսի Ատրպէյճանի հիւպատոսարանի շէնքին առջեւ տեղի ունեցաւ բողոքի ցոյցª կազմակերպութեամբ խումբ մը համայնքային գործիչներու:
Համավարակի պատճառաւ ծրագրուած էր հաւաքին տալ խորհրդանշական բնոյթ, սակայն ներկայութիւնը նախատեսուածէն աւելի մեծ էր եւ մօտ 500 հոգիներ, Հայկական դրօշներով համախմբուած էին հիւպատոսարանին առջեւª դատապարտելու համար Ատրպէյճանա-թրքական յարձակումը Հայաստանի սահմանի խաղաղ բնակավայրերուն դէմ:
Ելոյթ ունեցողները իրենց զօրակցութիւնը յայտնեցին հայոց բանակի մեր առի զինուորներուն, Հայաստանի մեր ժողովուրդին ու ղեկավարութեան:
Ցոյցի ընթացքին կը տիրէր տօնական մթնոլորտ, կը հնչէին ազգային-հայերէնասիրական երգեր ու տեղի կ°ունենար շուրջպար:
Ի տարբերութիւն արտասահմանեան այլ քաղաքներուն, զգալի էր ատրպէյճանցիներու բացակայութիւնը կամ ցոյցը խանգարելու փորձերը: