Մայիս 22-ի ժամը 11:00-ի դրութեամբ՝ Հայաստան հաստատուած է «Քորոնա» ժահրային հիւանդութեան 322 նոր դէպք, 4 մահ եւ 293 առողջացած։ Ընդհանուր 5928 դէպք, որոնցմէ 2874-ը՝ առողջացած, 74-ը` մահացած: «Քորոնա» ժահրային հիւանդութեամբ այս պահուն փաստացի կը բուժուին 2952 հիւանդ: Ընդհանուր առմամբ, կատարուած է 47654 հետազօտութիւն:
Առողջապահութեան նախարար Արսէն Թորոսեան Մայիս 22-ին կը պատասխանէ Հանրային խորհուրդի անդամներու հարցումներուն: Անդրադառնալով «Քորոնա» ժահրով ծանր դէպքերուն, նախարարը ըսաւ, որ այս պահուն ունինք 202 ծայրագոյն բուժումի մահճակալ պատրաստուած հիւանդանոցներուն մէջ, որոնցմէ զբաղուած է 152-ը:
«Այո, դեռ ազատ մահճակալներ կան, սակայն նրանց զբաղուելը եւ ազատուելը շատ հակառակ տրամաբանութեամբ է տեղի ունենում: Այսինքն՝ դրանք շատ արագ զբաղուում են, կարող է հենց այսօր միանգամից 50-ն էլ զբաղուի, բայց կ’ազատուեն շատ դանդաղ, որովհետեւ այն քաղաքացիները, որոնք վերակենդանացման բաժանմունքներում են, մօտաւորապէս 20 օր մնում են այնտեղ: Միայն այն դէպքերում է կարճ լինում վերակենդանացման մահճակալների զբաղուածութիւնը, եթէ հիւանդի վիճակը կտրուկ վատանում է, եւ մենք չենք կարողանում փրկել»,- նշեց Թորոսեան:
Այսինքն՝ ըստ նախարարին՝ զօրաշարժի ենթարկուած միջոցները հնարաւոր է, ինչ-որ պահ մը չբաւարարեն: Եւ այդ պարագային իրենք ունին իրենց մարտավարութիւնը, բայց այդ ամենաանցանկալի բանն է, որ կ’ուզէին ընել: «Դա առողջապահական ամբողջ համակարգի ներգրաւումն է գործընթացին մէջ՝ բոլոր հիւանդանոցների, բոլոր վերակենդանացման ամբողջ բժշկական անձնակազմի: Դա կարող է լինել անխուսափելի, եթէ մենք շարունակաբար ունենանք նման բարձր թուեր: Դա ստիպուած քայլ կը լինի, որն իր հետ բերելու է վատ տարբերակներ նաեւ բուժաշխատողների վարակուածութեան առումով, որն անխուսափելիօրէն բարձրանալու է»,- ըսաւ ան: Ըստ նախարարին՝ մինչեւ օրս «Քորոնա» ժահրով վարակուած է մօտ 350 բուժաշխատող: Նաեւ մէկ այլ վատ տարբերակ կրնայ ըլլալ, որ հիւանդանոցներուն մէջ բուժուող այլ քրոնիքական ծանր հիւանդութիւններով քաղաքացիներ ներքին հիւանդանոցային վարակի պատճառով վարակուին եւ իրենց առողջական վիճակը, որ առանց անոր արդէն վատ է, վատթարանայ:
«Հետեւաբար, մեր գերնպատակն է այդ տարբերակը թոյլ չտալ՝ կառավարելի պահելով իրավիճակը»,- նշեց Թորոսեան: Նախարարը դարձեալ ըսաւ, որ այս իրավիճակը երկար պիտի տեւէ, քանի մը ամիսէն «Քորոնա» ժահրը պիտի չի վերանայ, իսկ դեղամիջոցն ու պատուաստը շուտ պիտի չյայտնաբերուին:
