Պատերազմական տարիներու ընթացքին տոկալով աջէն ձախէն նետուող ռումբերու աւերին, ՀՄՄ-ի ծառը մնաց կենդանի, երբեք չզիջելով չարին եւ անարգին: Եղաւ ընդմիջումներ ամենասոսկալի օրերուն, բայց յոյսը երբեք չմեռաւ:
Շաբաթ, Դեկտեմբեր 21-ին, Հալէպի Ազիզիէի հրապարակին վրայ հոծ բազմութեան մը ներկայութեան տեղի ունեցաւ Ամանորի ծառի տեղադրումը:
Տօնախմբութեան ներկայ էին Ջրային Պաշարներու նախարար Հուսեյն Արնուս, Հալէպի նահանգապետ Հուսեյն Տիապ, Հայ Աւետարանական Համայնքի պետ Վերապատուելի Յարութիւն Սելիմեան, Հալէպի քրիստոնէական համայնքներու պետեր, պետական եւ կուսակցական ներկայացուցիչներ, հիւրեր եւ խուռներամ հայրենակիցներ:
Հանդիսութեան ընթացքին ելոյթներ ունեցան ՀՄՄ-ի փողերախումբը եւ ՆՍՄՄ-ի խումբերըª զանազան երգեցողական եւ պարային կատարումներով:
