Իտալիա պաշտօնական այցի շրջածիրէն ներս վարչապետ Նիկոլ Փաշինեանը տիկնոջ՝ Աննա Յակոբեանի հետ այցելած է Հռոմի Սուրբ Նիկողայոս Հայ Կաթողիկէ եկեղեցի եւ Քահանայապետական Լեւոնեան հայ վարժարան, կը յայտնեն վարչապետի աշխատակազմէն։
Հայաստանի, Վրաստանի, Ռուսաստանի եւ Արեւելեան Եւրոպայի հայ կաթոլիկներու առաջնորդ Տէր Ռաֆայէլ արքեպիսկոպոս Մինասեանը եւ «Լեւոնեան» Քահանայապետական վարժարանի տնօրէն Գերապայծառ Հայր Նարեկ վարդապետ Նամոյեանը ողջունած են վարչապետը եւ անոր տիկինը Հռոմի Սուրբ Նիկողայոս Հայ Կաթողիկէ եկեղեցւոյ մէջ եւ եկեղեցւոյ անունով աջակցութիւն յայտնած Հայաստանի վարչապետի այն բոլոր քայլերուն, որոնք միտուած են հզօրացնելու հայոց պետականութիւնը եւ բարեկեցիկ կեանք տալու հայ ժողովուրդին ու Հայաստանին։
«Մեծ հետաքրքրութեամբ կը հետեւինք Սփիւռքի հայկական գաղթօճախներ կատարած Ձեր այցելութիւններուն եւ կ’ոգեւորուինք հայկական ազգային նկարագիրը պահպանող կեդրոններ, ինչպիսիք են Վենետիկի Սուրբ Ղազար կղզին՝ Մխիթարեան միաբանութիւնը եւ Հռոմի Սուրբ Նիկողայոս Հայ Կաթողիկէ եկեղեցին Ձեր այցելութիւններով, որոնք, բացի կրթական եւ մշակութային կեդրոններ ըլլալէ, հայ հոգեւոր ինքնութեան պահպանման եւ հոգեւորականներու պատրաստման կաճառներ են», – նշած են անոնք։
Նիկոլ Փաշինեանն ալ ըսած է. – «Մեր ժառանգութիւնն առաջին հերթին հոգեւոր է, որովհետեւ կապ չունի՝ Հայ Առաքելական եկեղեցու, թէ Հայ Կաթոլիկ եկեղեցու մասին ենք խօսում։ Կարծում եմ, որ շատերը չէ, որ սրա մասին գիտեն եւ ինձ համար նոյնպէս պէտք է խոստովանեմ՝ անակնկալի որոշակի տարրեր կային, որ յենուած են նոյն արժէքների վրայ։ Սուրբ Ղազար կղզում հաճոյքով արձանագրեցի, որ տաճարի հիմնական խորանները նուիրուած են Մեսրոպ Մաշտոցին, Սահակ Պարթեւին, Գրիգոր Լուսաւորիչին, եւ սա այն հոգեւոր ամբողջութիւնն է, որ մեզ բոլորիս միացնում է։
Ես ուզում եմ հաւատալ, որ մեր պատմութեան եւ ժողովրդի այս նոր ժամանակաշրջանը հենց դրա մասին է, որ մենք ինքներս մեզ աւելի լաւ ճանաչենք, աւելի ամբողջական գնահատենք, չզլանանք դիտել մեր թերութիւնները, չվախենանք շեշտել մեր առաւելութիւնները, չվարանենք բարձրաձայնել մեր նպատակները եւ չվախենանք հաստատ քայլերով գնալ մեր նպատակների ետեւից»։
