Home ՀԱՅԱՍՏԱՆ Հայաստանի Տնտեսական Աշխոյժութեան Ցուցանիշը Աճած է 7,5%-ով

Հայաստանի Տնտեսական Աշխոյժութեան Ցուցանիշը Աճած է 7,5%-ով

by MassisPost

Ազգային վիճակագրական կոմիտէն հրապարակած է Սեպտեմբեր ամսուան տնտեսական ցուցանիշները:

Ըստ Ազգային վիճակագրական կոմիտէն՝ տնտեսական աշխոյժութեան ցուցանիշի աճը 2019 թուականի Սեպտեմբերին նախորդ տարուայ Սեպտեմբերի համեմատ կազմած է 7,5%: Սեպտեմբերին Օգոստոսի համեմատ աճը կազմած է 7,8%, իսկ Յունուար-Սեպտեմբերը՝ 2018 թուականի Յունուար-Սեպտեմբերի համեմատ՝ 7,1%:

Անցած տարուան Սեպտեմբերի համեմատ արդիւնաբերական արտադրանքի ծաւալը աճած է 11%-ով, շինարարութեան ծաւալը՝ 4,2%-ով, առեւտուրի շրջանառութիւնը՝ 7,5%-ով, ծառայութիւններու ծաւալը՝ 15,1%-ով, ելեկտրական հոսանքի արտադրութիւնը՝ 9,3%-ով, սպառողական գիներու ցուցանիշը՝ 0,5%-ով, միջին անուանական աշխատավարձը՝ 7,4%-ով:

Արտաքին առեւտրաշրջանառութիւնը այս տարուան Սեպտեմբերին 2018 թուականի Սեպտեմբերի համեմատ աճած է 30,1%-ով, արտահանումը՝ 33%-ով, ներմուծումը՝ 28,8%-ով:

Յունուար-Սեպտեմբեր ամիսներուն, նախորդ տարուան նոյն ժամանակահատուածին համեմատ, արտաքին առեւտրաշրջանառութիւնը աճած է 5,8 տոկոսով՝ կազմելով 5 միլիառ 639,6 միլիոն տոլար: Այդ շարքին՝ արտահանումը աճած է 7.,9, ներմուծումը՝ 4,7 տոկոսով:

 

Հարակից Նյութեր

Leave a Comment