Նախկին ոստիկանապետ, Մարտ 1-ի գործով վկայ Հայկ Յարութիւնեանի մահուան դէպքի առթիւ յարուցուած քրէական գործով վկայի կարգավիճակով հարցաքննուած են «Hayeli.am» եւ «Armlur.am» կայքերու խմբագիրները:
Անոնք հրաժարած են հարցաքննութեան ընթացքը տեսանկարահանելու վերաբերեալ նախաքննական մարմնի առաջարկէն եւ մէջբերելով «Զանգուածային լրատւութեան մասին» ՀՀ օրէնքի 5-րդ յօդուածը՝ չեն բացայայտած տեղեկատւութեան աղբիւրը: Քննիչի հարցին, որ դէպքին ականատես վկան, ծանօթանալով հրապարակումներուն, ժխտած է հրապարակումներուն մէջ ներկայացուած հանգամանքները, լրատուամիջոցներու ներկայացուցիչները հակասական տեղեկատւութեան վերաբերեալ դիրքորոշում չեն յայտնած եւ պարզաբանած են, որ իրենք ընդամէնը հրապարակած են իրենց աղբիւրներու յայտնած տեղեկատւութիւնը՝ կրկին հրաժարելով բացայայտել աղբիւրը:
Հայկ Յարութիւնեանի մահուան դէպքին ականատես վկան, ըստ Քննչական կոմիտէի, իր լրացուցիչ ցուցմունքին մէջ յայտնած է, որ ԶԼՄ-ներուն դէպքի վերաբերեալ որեւէ տեղեկատւութիւն չէ յայտնած: Աւելին՝ ան վրդովմունք յայտնած է՝ ԶԼՄ-ներուն մէջ տեղ գտած ապատեղեկատւութեան վերաբերեալ: