ՀՀ Պաշտպանութեան նախարար Դաւիթ Տօնոյեանը յայտարարած է, որ «Զինուած ուժերու ծաւալումը, հակառակորդինյարձակման դիմագրաւումը» թեմայով մեկնարկած լայնածաւալ ռազմավարական զօրավարժութիւններուն հազարաւոր քաղաքացիներ ներգարւուած են:
Նախարարը ընդգծած է, որ նման ծաւալներով զօրահաւաքային վարժանքներ Հայաստանի մէջ առաջին անգամ տեղի կունենան:
Տօնոեանը խօսած է երկու օր առաջ Ղարաբաղի մէջ ատրպէյճանցիներու ներթափանցման փորձի մասին: Հարցին, թէ ինչով կը պայմանաւորէ ատրպէյճանական կողմի աշխոյժութիւնը, նախարարը արձագանգած է՝ չի կրնար ըսել:
Զօրավարժութիւնները պիտի տեւեն մինչեւ Հոկտեմբեր 5-ը: Արդէն պայմանական ռազմական դրութիւն յայտարարուած է: Անոնց ընթացքին Զինուած ուժերու տարբեր ստորաբաժանումները պիտի իրականացնեն մարտական կրակի կիրառմամբ պայմանական նշանակէտերու խոցումներ:
Հայաստանի մէջ կայացող զօրավարժութեան զուգահեռ նաեւԱրցախի մէջ տեղի կ’ունեանայ համանուն զօրավարժութիւն: Արցախի Պաշտպանութեան բանակէն կը յայտնեն, որ զօրախաղերու այս փուլին պաշտպանութեան բանակի զօրամասերը տագնապով բերուած են մարտական պատրաստականութեան աստիճանի: