Քալիֆորնիա Նահանգի Ծերակոյտը Ընդունած է Թուրքիոյ Հետ Տնտեսական Կապերու Խզման Օրինագիծ

Սեպտեմբեր 11-ին Քալիֆորնիա նահանգի ծերակոյտը ընդունած է Թուրքիոյ հետ տնտեսական կապերու խզման օրինագիծ AB 1320-ը՝ նահանգային 40 սենատորներէն ծերակուտականներէն 33-ի՝ կողմ եւ մնացած 7-ի՝ ձեռնպահ քուէարկութեամբ, հաղորդած է Ամերիկայի հայկական համագումարը:

Քալիֆորնիոյ նահանգային ծերակուտական Անդրէաս Պորկեասը (Հանրապետական-8-րդ շրջան), որուն շրջանին մէջ ընդգրկուած է Քալիֆորնիոյ Սան Խոաքին Վելին, պատասխանատու էր այս օրինագիծը նահանգային սենատի ամպիոնէն ներկայացնելու եւ առաջ մղելու ամբողջ գործընթացի ղեկավարման համար: Այս մասին յայտնած են  Ամերիկայի հայկական համագումարի մամլոյ ծառայութենէն:

AB 1320-ը այժմ տեղափոխուած է Քալիֆորնիոյ նահանգային օրէնսդիր մարմին, ուր երկու կուսակցութիւններուն կողմէ ստացած է լայնածաւալ աջակցութիւն եւ ուր այն պիտի դրուի երկկողմ քուէարկութեան՝ նախքան Քալիֆորնիոյ նահանգապետ Քեւին Նիւսոմին ուղարկուիլը:

Այս օրէնսդրական նախագիծը ներկայացնողն ու անոր գլխաւոր հեղինակը Քալիֆորնիոյ նահանգային օրէնսդիր մարմնի անդամ Ատրին Նազարեանն է (Դեմոկրատ-46-րդ շրջան). օրէնսդրական նախագիծը պաշտօնապէս յայտնի է «Հանրային ծառայողներու կենսաթոշակային համակարգեր, արգիլուած ներդրումներ. Թուրքիա» անուամբ:

Օրինագիծը կ’արգիլէ Քալիֆորնիոյ հանրային կենսաթոշակային գործակալութիւններուն` CalPERS-ին եւ CalSTRS-ին, կատարել նոր ներդրումներ կամ շարունակել Թուրքիոյ կառավարութեան կողմէ թողարկուող եւ վերահսկուող պարտքային արժեթուղթերուն եւ պարտատոմսերուն մէջ գոյութիւն ունեցող ներդրումները՝ մինչ ԱՄՆ կառավարութիւնը կը կիրառէ պատժամիջոցներ Թուրքիոյ նկատմամբ` վերջինիս կողմէ Հայոց Ցեղասպանութիւնը պետականօրէն մերժելու համար:

Նահանգային օրէնսդիր մարմնի անդամ Ատրին Նազարեանի հետ համատեղ AB 1320 նախագիծը ներկայացնողները եղած են Նահանգային օրէնսդիր մարմնի անդամներ Լորա Ֆրիտմանը (Դեմոկրատ-43-րդ շրջան) եւ Ճեսսի Կեյպրիէլը (Դեմոկրատ-45-րդ շրջան): Օրինագծի գլխաւոր համահեղինակը նահանգային ծերակուտական Էնթոնի Փորթանթինօն էր (Դեմոկրատ-25-րդ շրջան), իսկ համահեղինակներն էին՝ նահանգային ծերակուտական Սքոթ Ուիլքը (Հանրապետական-21-րդ շրջան), նահանգային օրէնսդիր մարմնի անդամներ Ֆիլիփ Չենը (Հանրապետական-55-րդ շրջան), Լուս Ռիւասը (Դեմոկրատ-39-րդ շրջան) եւ Քրիս Հոլտընը (Դեմոկրատ-41-րդ շրջան):