Ընթացիկ տարուան Յուլիս ամսուն ՀՀ երկու օդակայաններուն մէջ ուղեւորահոսքը ընդհանուր կազմած է 371,883 մարդ՝ 2018 թուականի նոյն ամսուան ցուցանիշը գերազանցելով 16,7 տոկոսով:
2019 թուականի Յուլիսին, 2018 թուականի նոյն ժամանակահատուածի համեմատ, «Զուարթնոց»-ի մէջ ուղեւորահոսքը աւելցած է 18,7 տոկոսով: Եթէ 2018 թուականի Յուլիսին «Զուարթնոց» միջազգային օդակայանի ծառայութիւններէն օգտուած է 300,674 ուղեւոր, ապա 2019 թուականի Յուլիսի ցուցանիշը կազմած է 356,934 ուղեւոր:
2019 թուականի Յուլիս ամսուն Գիւմրիի «Շիրակ» օդակայանին մէջ ուղեւորահոսքը կազմած է 14,949 մարդ: 2018 թուականի նոյն ամսուան 17,898 ուղեւորահոսքի համեմատ նուազումը կազմած է 16,5 տոկոս:
| Ուղեւորներու թիւը 2018թ. Յուլիսին | Ուղեւորներու թիւը 2019թ. Յուլիսին | Տարբերութիւնը տոկոսային
յարաբերութեամբ |
|
| «Զուարթնոց» | 300,674 | 356,934 | 18,7% |
| «Շիրակ» | 17,898 | 14,949 | -16,5% |
| Ընդամէնը | 318,572 | 371,883 | 16,7% |
Տարեսկիզբէն Հայաստանի Հանրապետութեան երկու օդակայաններու ուղեւորահոսքը կազմած է 1,692,494 մարդ, որ 11 տոկոսով գերազանցած է նախորդ տարուան նոյն ամիսներու ցուցանիշը:
«Զուարթնոց» եւ «Շիրակ» օդակայաններուն մէջ 2019 թուականի Յունուար- Յուլիս ամիսներուն, նախորդ տարուան նոյն ամիսներուն հետ համեմատած, 7,7 տոկոսով աճ գրանցած են նաեւ թռիչք- վայրէջքները:
«Արմենիա» Միջազգային Օդակայաններ» ՓԲԸ
