Մինսքի մէջ աւարտած են երկրորդ Եւրոպական խաղերը, որուն 15 մարզաձեւերով մասնակցած են 43 երկրի 4000 մարզիկ:
Եւրոպական խաղերուն Հայաստանի Հանրապետութիւնը ներկայացուցած են 37 մարզիկներ 9 մարզաձեւերու մէջ: Հայ մարզիկները նուաճած են 11մետալ, այդ շարքին‘ 5 ոսկեայ, 3 արծաթեայ 3 պրոնզէ:
Մասնաւորապէս ոսկեայ մետալ նուաճած են‘
Տիգրան Կիրակոսեանը (սամպօ),
Արթուր Յովհաննիսեանը (բռնցքամարտ ),
Յովհաննէս Պաչքովը (բռնցքամարտ),
Արթուր Ալեքսանեանը (ըմբշամարտ),
Արթուր Դաւթեանը (մարմնամարզութիւն),
արծաթեայ մետալ‘
Կարապետ Չալեանը (ըմբշամարտ),
Վահագն Դաւթեանը (մարմնամարզութիւն),
Դաւիթ Գրիգորեանը (սամպօ)
պրոնզէ մետալ‘
Արսէն Ղազարեանը (սամպօ),
Գոռ Ներսէսեանը (բռնցքամարտ),
Կարէն Տօնականեանը (բռնցքամարտ):
Մետալային հաշուարկին մէջ Հայաստանի հաւաքականը զբաղցուցած է 11-րդ տեղը: Մինսքի ՚Տինամօՙ մարզադաշտին մէջ տեղի ունեցած փակման հանդիսաւոր արարողութեան ժամանակ Հայաստանի պատուիրակութեան դրօշակակիրը բռնցքամարտիկ Յովհաննէս Պաչքովը եղած է, որ դարձած է Եւրոպական խաղերու ախոյեան 64 քկ քաշային կարգին:
Փակման արարողութեան ներկայ եղած են Հայաստանի նախագահ Արմէն Սարգսեանը, ՌԴ նախագահ Վլատիմիր Փութինը, Պելառուսիայի նախագահ Վլատիմիր Լուքաշենքօն:
