«GALLUP International association»-ի իրականացուցած հարցումներու մասնակիցներու 74,1%-ը դրական գնահատած է ՀՀ վարչապետ Նիկոլ Փաշինեանի ձեւաւորած կառավարութեան վերջին 100 օրուան գործունէութիւնը: «Արմէնբրես»-ի փոխանցմամբ` այս մասին 22 Մայիսին տեղի ունեցած մամլոյ ասուլիսի ընթացքին ըսած է «GALLUP International association»-ի Հայաստանի մէջ լիիրաւ անդամ «Էմ Փի ՃԻ» ՍՊԸ տնօրէն Արամ Նաւասարդեանը:
«Քաղաքացիներին խնդրել ենք գնահատել Փաշինեանի ձեւաւորած նոր կառավարութեան պաշտօնավարման 100 օրը: 53,8%-ը նշել է, որ աւելի շատ դրական է գնահատում, իսկ 20,3%-ը` լիովին դրական»,- ըսած է Նաւասարդեանը:
Հարցին պատասխանողներու 57,7%-ը նշած է, որ համաձայն է նոր կառավարութեան մէջ Նիկոլ Փաշինեանի կողմէ կատարուած նշանակումներուն:
Հարցախոյզի արդիւնքի համաձայն Հայաստանի մէջ քաղաքացիները ներկայ պահուն պետութեան առջեւ ծառացած ամենակարեւոր խնդիրը կը համարեն գործազրկութիւնը:
«Քաղաքացիներին խնդրել ենք նշել ըստ իրենց ներկայ պահին մեր պետութեան առջեւ կանգնած ամենակարեւոր խնդիրները: 45%-ը նշել է գործազրկութիւնը, 40,5%` տնտեսական վիճակը, 26,8%-ը`ցածր թոշակներն ու աշխատավարձերը, 26,1%-ը նշել է Լեռնային Ղարաբաղի հիմնախնդիրը»,- ըսած է Նաւասարդեանը:
Հարցումներու համաձայն` արտագաղթը ամենակարեւոր խնդիր համարած են 10,5%-ը, փտածութիւնը` 7,4%-ը, ամենացած կարեւորութիւնը տուած են ահաբեկչութեան` 0,2%: