Թուրքիոյ մէջ, 24 Յունիսին կայանալիք խորհրդարանական ընտրութիւններուն հայ պատգամաւոր Կարօ Փայլանը կրկին պիտի առաջադրուի՝ քրտամէտ Ժողովուրդներու Դեմոկրատական Կուսակցութեան կողմէ:
Ի տարբերութիւն, սակայն, 2015 թուականի խորհրդարանական ընտրութիւններու, ուր Փայլանը առաջադրուած էր Պոլսոյ մէջ, այս անգամ անոր թեկնածութիւնը պիտի առաջադրուի Տիարպէքիրի մէջ:
Նախորդ՝ 2015 թուականի Նոյեմբերին տեղի ունեցած խորհրդարանական ընտրութիւններու որպէս արդիւնք թրքական խորհրդարանը ունէր 3 հայ պատգամաւոր՝ Կարօ Փայլանը, քեմալական Հանրապետական Ժողովրդական կուսակցութեան կողմէ առաջադրուած իրաւաբան Սելինա Տողանը եւ իշխող «Արդարութիւն եւ Զարգացում» կուսակցութեան կողմէ առաջադրուած հայ լրագրող Մարգար Եսայեանը:
Հանրապետական Ժողովրդական կուսակցութիւնը հրապարակած էր իր թեկնածուներու ցուցակը, ուր Սէլինա Տողանի անունը չկար:
Ինչ կը վերաբերի Մարգար Եսայեանի հնարաւոր առաջադրման, ապա այդ պարզ կ’ըլլայ իշխող կուսակցութեան կողմէ ցուցակներու հրապարակումէն յետոյ:
