Ինչպէս կը վկայեն վիճակագրական տուեալները՝ տարեսկզբին Հայաստանի մէջ կ’ապրէր 2 միլիոն 986 հազար 100 քաղաքացի, իսկ 1 Հոկտեմբերի դրութեամբ այդ թիւը դարձած է 2 միլիոն 979 հազար 600։ Թուաբանական պարզ հաշուարկով կը ստացուի, որ 2017-ի առաջին 9 ամիսներուն ընթացքին երկրի մշտական բնակչութիւնը պակսած է 6 հազար 500-ով։ Այս ցուցանիշը ձեւաւորուած է բնակչութեան բնական աճի արդիւնքով:
Օդային եւ ցամաքային ճանապարհներով տարուայ առաջին 9 ամիսներուն երկրէն մեկնողներուն թիւը աւելի շատ եղած է քան վերադարձողներունը: Իրենց ապագան Հայաստանէն դուրս փնտռողները, որոնք 1 հոկտեմբերի դրութեամբ չեն վերադարձած, ըստ վիճակագրութեան կազմած է 13 հազար 500 հոգի։ Այլ խօսքով 2017 թուականին այդքան մարդ բռնած է արտագաղթի ճանապարհը։