Հայաստանի Հանրապետութեան կառավարութիւնը հաւանութիւն տուած է Հայաստանի եւ Եւրոպական միութեան աթոմային ուժանիւթի համայնքին միջեւ համապարփակ եւ ընդլայնուած գործընկերութեան համաձայնագրի ստորագրման: Այդ մասին համապատասխան որոշումը կայացուած է 28 դեկտեմբերին ՀՀ կառավարութեան նիստին:
Ինչպէս նշած է ՀՀ արտաքին գործոց նախարար Էտուարտ Նալպանտեանը, համաձայնագիրը կը նախատեսէ Հայաստանի ստանձնած պարտաւորութիւնները տեղեկատուական այլ ձեւաչափերով:
«Այս շրջանակային համաձայնագիրը Հայաստանի եւ ԵՄ միջեւ յարաբերութիւնները կը տեղափոխի գործընկերական նոր մակարդակի վրայ եւ ուղղուած է յառաջիկայ տարիներին դրանց կարգաւորմանը», – ըսած է Էտուարտ Նալպանտեանը:
Նախարարը նշած է, որ համաձայնագիրը կը նախատեսէ , որ Հայաստան իր ստանձնած պարտաւորութիւնները կատարէ եւ կարգաւորէ Հայաստան-Եւրոմիութիւն քաղաքական երկխօսութիւնը, տնտեսական եւ առեւտրային յարաբերութիւնները, ոլորտային համագործակցութիւնը, ինչպէս նաեւ ապահովէ քաղաքական եւ տնտեսական բարեփոխումներու տեւականութիւնը: