Էրեբունիի ՊՊԾ-ի գունդի գրաւման գործով 14 մեղադրեալներու դատական առաջին նիստը հետաձգվեցաւ։
Դատարանի դահլիճը գտնուող 14 մեղադրեալներէն ոչ մէկը ոտքի չկանգնեցաւ՝ ըսելով, որ չեն ցանկանար ենթարկուիլ դատարանին։
Մեղադրեալները նաև որոշ արտայայտութիւններ հնչեցուցին դատարանի հասցէին։ «Հիմնադիր խորհրդարան»-ի անդամներէն Վարուժան Աւետիսեան ըսաւ, որ իրենք յանցագործ չեն եւ իրենց արարքները Քրէական օրէնսգիրքով պէտք չէ քննուին։
Դատարանի դահլիճին մէջ տիրող աղմուկը չդադարեցաւ, դատաւորը դատական նիստը յետաձգեց։ Յաջորդ նիստը կը գումարուի Յունիսի 21-ին՝ ժամը 12-ին:
Մինչ Էրեբունիի դատարանին մէջ այս գործով առաջին նիստի մեկնարկը, խմբաւորման համակիրները Ազատութեան հրապարակէն երթով դատարան շարժած են։
«Սասնայ ծռերու առաջին դատն է, որը խորհրդանշական է, եւ խորհրդանշական նշանակութիւնը մենք ուզեցինք նշել երթով՝ վարչախմբին վերստին յիշեցնելու, որ Սասնայ ծռերը դրսում ունեն մեծ թիւով համախոհներ»,- «Ա1+»-ի հետ զրոյցի ժամանակ ըսած է «Հիմնադիր խորհրդարանի» ներկայացուցիչ Ալեք Ենիգոմշեանը։
Հիմնադիր խորհրդարանի անդամը արդար դատավարութեան ակնկալիք չունի։ Բայց անոր պնդմամբ՝ դատավարութիւնները հնարաւորութիւն են «ծռերու» համար մարդոց ներկայացնելու գունդը գրաւելու նպատակն ու խնդիրները, որոնք փորձեցին լուծել։
«Սասնայ ծռերի պարագայում արդար դատաստան ակնկալել միամտութիւն է։ Այնքան ժամանակ, որ այս վարչախումբը բռնագրաւել է մեր երկիրը, վերջնական վճիռը լինելու է քաղաքական՝ ըստ վարչախմբի պարագլխի կամայական ցանկութիւնների»,- ըսած է Ալեք Ենիգոմշեանը։
Սասնայ ծռերուն հաց հասցուցած Արթուր Սարգսեանի պաստառով Ազատութեան հրապարակ եկած է քաղաքացիական աքթիւիսթ Վարդգէս Գասպարին։ Սասնայ ծռերու համակիրներու երթին նաեւ Արմենակ Կիւրէղեանը մասնակցած էր։ Ան խմբաւորման անդամներէն Արեգ Կիւրէղեանի հայրն է։ Որդիի դատավարութեան շտապող Կիւրէղեանը արդարադատութեան յոյս չունի։
«Դատական համակարգը ոտքից գլուխ կոռուպացուած է եւ պատուէր է կատարում»,- «Ա1+»-ին ըսած է ան։
