Home ՀԱՅԱՍՏԱՆ Հայաստանի Պետական Պարտքը Վերջին 8 Տարիներուն Եռապատկուած է

Հայաստանի Պետական Պարտքը Վերջին 8 Տարիներուն Եռապատկուած է

by MassisPost

Այս տարի եւս Հայաստան կը շարունակէ կուտակել մեծածաւալ պարտքեր․ ֆինանսներու նախարար Վարդան Արամեանի խօսքով՝ 2017-ին պետական պարտքը կ’աւելնայ մօտ 350 միլիոն տոլարով՝ հասնելով 6 միլիառ 250 միլիոն տոլարի:

Ազգային վիճակագրական ծառայութեան տուեալներով, այս տարուան Յունուար 1-ին Հայաստանի մշտական բնակչութեան թիւը կազմած է 2 986 500: Հաշուի առնելով այս հանգամանքը՝ յստակ է, որ իւրաքանչիւրիս պարտաւորութիւնը պիտի կազմէ աւելի քան 2092 տոլար:

Ֆինանսներու նախարարութեան տուեալներով, 2008-2016-ի ընթացքին Հայաստանի պետական պարտքը աճած է աւելի քան 3 անգամ (2008-ի պետական պարտքը 1 միլիառ 906 միլիոն տոլար էր, 2016-ին՝ 5 միլիառ 942 միլիոն):

«Ըստ մարման կրաֆիքի՝ ամենամեծ խնդիրը այդ եւրոպարտատոմսերն են, որ թողարկուել են 2013 թուականին եւ պէտք է մարուեն 2020 թուականին: Այսինքն՝ 500 միլիոն: Կը նայենք մեր կանխիկ հոսքերին, հնարաւոր է՝ 200 կամ 100 միլիոն վերցնենք, մարենք, մնացածը նետենք աւելի հեռու»,- պարզաբանեց Վարդան Արամեան:

Տնտեսական մեկնաբան Հայկ Գէորգեանի խօսքով, խնդիր է ոչ միայն Հայաստանի պետական պարտքի նման սրընթաց աճը, այլեւ՝ վարկային միջոցներու վատնումը: «Մեր պետական պարտքը երկու տարի յետոյ կ’ունենայ այնպիսի սպասարկման կարիք, որը աւելի շատ է, քան պաշտպանութեան ծախսերը»,- ըսաւ տնտեսական մեկնաբանը:

Հարակից Նյութեր

Leave a Comment