Սպանացի պատգամաւոր Փետրօ Ակրամունթ վերընտրուած է Եւրոպայի խորհուրդի խորհրդարանական վեհաժողովի նախագահի պաշտօնին: ԵԽԽՎ ձմեռնային նստաշրջանի մեկնարկին տեղի ունեցած է կառոյցի նախագահի ընտրութիւնը, որուն արդիւնքով Փետրօ Ակրամունթը կրկին վերընտրուած է: Ան ընտրուած է 1 տարի ժամկէտով:
Ակրամունթ վերընտրուելէն յետոյ շնորհակալութիւն յայտնած է պատգամաւորներուն վստահութեան եւ համագործակցութեան համար:
Յիշեցնենք, որ հայ խորհրդարանականները Ակրամունթը մեղադրած են Ատրպէյճանի շահերու լոբբինգի, «խաւիարային դիւանագիտութեան» ծառայելու համար:
