Էրէբունիի ՊՊԾ կայանին մէջ գտնուող «Սասնայ ծռեր» խումբը կը մերժէ յանձնուիլ: Այսօր այդպէս յայտատարեց խումբի անունով հանդէս եկող Վարուժան Աւետիսեան: Ան նաեւ ըսաւ, թէ իրենց յանձնուելուն վերաբերեալ շրջան ընող զրոյցները անճիշդ են: Աւետիսեան նաեւ ըսաւ, թէ իրենց համար հիմնական պահանջը կը մնայ ՀՀ նախագահ Սերժ Սարգսեանի հրաժարանը եւ իրենք պատրաստ են զօրանոցին մէջ մնալ մինչեւ այդ նպատակին իրագործումը:
Աւելի վաղ յայտատարութեամբ մը հանդէս գալով Արցախի հերոս եւ զինեալ խմբակին ու օրինապահ մարմիններուն միջեւ միջնորդի դերով հանդէս եկող Վիթալի Բալասանեան յայտարարած էր, որ թէ Ժիրայր Սէֆիլեան դրական արձագանքած է զինեալ տղոց զէնքերը վար դնելու խնդրին ու յայտնած, թէ ինք կը հրաժարի հանրապետութեան նավխագահի հրաժարական պահանջելու խնդրէն:
Յիշեցնենք, որ աւելի վաղ տեղի ունեցած միջնորդութեամբ ազատ արձակուած էին Էրէբունիի զօրանոցի մէջ եղող վերջին չորս պատանդները ու անոնց մէջ էին գնդապետներ՝ Վալերի Օսիբեանն ու Վարդան Եղիազարեանը:
