Այսօր Վազգեն Սարգսյանի անվան «Հանրապետական» մարզադաշտում Հայաստանի հավաքականը հյուրընկալել էր Սլովակիայի հավաքականին:
Խաղն ավարտվեց 3:1` հօգուտ Հայաստանի: Սլովակիայի դարպասը գրավեցին Յուրա Մովսիսյանը, Գեւորգ Ղազարյանը, Հենրիխ Մխիթարյանը: Իսկ հյուրերից գոլ խփեց Ռադոսլավ Զաբավնիկը:
«Հանրապետական» մարզադաշտին հարակից փողոցներում խաղից հետո լսվում էին երկրպագուների` Հայաստան, Հայաստան վանկարկումները:
Աշխարհի առաջնության մասնակից Սլովակիայի հավաքականը երեւանյան խաղից առաջ ուներ հարյուրտոկոսանոց արդյուն`6 միավոր երկու խաղում եւ զբաղեցնում էր երկրորդ տեղը: 6 միավոր ունի նաեւ խմբի առաջատար Իռլանդիան:
Սլովակիայի հավաքականը Վլադիմիր Վայսի գլխավորությամբ աշխարհհի առաջնության մասնակցի խաղ չցուցադրեց եւ արդեն 23-րդ րոպեին գնդակ բաց թողեց: Գերազանց հարվածով աչքի ընկավ Յուրա Մովսիսյանը: Առաջին խաղակեսում սլովակները հավասարեցրին հաշիվը գլխավոր մարզչի որդու` Վլադիմիր Վայսի գոլի շնորհիվ:
Երկրորդ խաղակեսում Հայաստանի հավաքականը շարունակեց խաղալ հարձակողական ոճով եւ շատ արագ հաջողության հասավ: 50-րդ րոպեին Գեւորգ Ղազարյանն առաջ մղեց Հայաստանի հավաքականին: Հանդիպման նախավերջին րոպեին իր գնդակը խփեց Հենրիխ Մխիթարյանը, որը տուգանային հրապարակի գծից հուժկու հարվածով ոչ մի շանս չտվեց դարպասապահ Մուխային: Հայաստանի հավաքականն առաջին հաղթանակը տարավ Եվրո-2012-ի ընտրական մրցաշարում եւ 4 միավորով բարձրացավ երրորդ տեղ:
Հետխաղյա մամուլի ասուլիսին Հայաստանի հավաքականի մարզիչ Վարդան Մինասյանին դահլիճում դիմավորեցին ծափահարություններով:
“Չեմ ցանկանում երկար խոսել: Համենայն դեպս արդյունքը համապատասխանում էր խաղին: Ամեն ինչի հիմքում ընկած է լավ խաղը: Եթե լավ խաղ չլինի, ապա արդյունք ևս չի կարող լինի:
Մրցաշարային աղյուսակից խոսել չէի ցանկանա: Ես հեռուն չեմ գնում: Իհարկե, որքան լավ ենք խաղում, այնքան մեծանում է բարձր տեղում հայտնվելու հավանականությունը:
Հրայր Մկոյանի Արարատ Առաքելյանի փոխարեն հիմնական կազմում հայտնվելը պայմանավորված էր նրանով, որ սլովակներն իր տարբերություն Իռլանդիայի ավելի ցածրից են գործում: Արարատ Առաքելյանը լավ է խաղում 2-րդ հարկում, իսկ ներքևում ավելի հուսալի է Մկոյանը:
Չէի ցանկանա խոսել մրցավարությանից: Միշտ էլ համակրանքը լինում է ուժեղ թիմերի վրա…
Անդորրայի հետ խաղում մարտավարությունը կփոխի: Կառլեն Մկրտչյանը 2-րդ դեղինը ստացավ և կբացակայի: Անդորրայի հետ խաղը դժվար է լինելու: Նույնիսկ ավելի դժվար, քան այսօր: Բացի հաղթանակից մնացածը վատ արդյունք կհամարվի”,- նշեց Վարդան Մինասյանը:
Մարզիչը ը նշեց, որ ընդմիջմանը տղաներին հավաստիացրել էր, որ 2-րդ խաղակեսում անպայման գոլ են խփելու: Բացի այդ, Մինասյանը որոշ շտկումներ էր կատարել հավաքականի խաղում: Նշվեց նաև, որ Ռոբերտ Արզումանյանի վնասվածքը լուրջ չէ և նա կմասնակցի հաջորդ խաղին:
Սլովակիայի հավաքականի գլխավոր մարզիչ Վլադիմիր Վայսը ընկճված ներկայացավ մամուլի ասուլիսին:
“Ցանկանում եմ շնորհավորել տանտերերին լավ խաղի համար: Այսօրվա խաղը տանտերերի ձեռքերում էր: Դուք ողջ հանդիպման ընթացքում տիրում էիք նախաձեռնությանը և արժանիորեն հաղթեցիք: Դուք կարող եք լավ արդյունքների հասնել:
Այն ինչ ձեռք բերեցիք Ռոսւաստանում` կորցրինք Հայաստանում: Բայց կրկնում եմ, Հայաստանը հաղթեց արժանիորեն:
2-րդ խաղակեսում մենք հաճախակի էինք սխալվում: 13 համարը (էդգար Մանուչարյանը-խմբ) նման էր Հաջիին: Նա շատ խնդիրներ ստեղծեց մեզ համար:
Իհարկե, Վիտեկը չէր խաղում, բայց նման դեպքեր եղել էին: Կան նաև խաղացողներ, որոնք կարող ենք փոխարինել: Խաղից առաջ ասել էի, որ դուք ունենք լավ խաղացողներ`18, 14, 13 համարները, սակայն այսօր ողջ թիմը լավ խաղաց:
Մրցավարությունը նորմալ էր: Մենք ինքներս ենք մեղավոր”,- ասաց Վլադիմիր Վայսը:

Leave a Reply

Your email address will not be published. Required fields are marked *

Sign Up for Our Newsletters

Get notified of the latest updates from MassisPost.

You May Also Like

Chief of General Staff of Armenian Military Discuss Bilateral Cooperation with US Defense Officials

WASHINGTON, DC—The Ministry of Defense has announced that Lieutenant General Edward Asryan,…

UN Has a Responsibility to Protect the Children in Artsakh, Armenian Envoy Tells Security Council

NEW YORK — The United Nations has a distinct responsibility to prevent…

Azeri Defense Chief Threatens War With Armenians

BAKU (RFE/RL) — Azerbaijan renewed threats to end the Nagorno-Karabakh conflict by…

Three Armenians Re-Elected to Turkish Parliament

ANKARA — Three Armenians have been reelected to the Turkish Parliament as…