Փետրուար 18-ին ՀՀ առաջին նախագահ Լեւոն Տէր Պետրոսեան իր առանձնատան մէջ հանդիպած է Հայաստանի մէջ Ռուսաստանի Դաշնութեան արտակարգ եւ լիազօր դեսպան Սերկէյ Քոփիրքինի հետ:
Ընկերային ցանցի իր էջով այս մասին տեղեկացուցած է ՀՀ առաջին նախագահի մամուլի խօսնակ Արման Մուսինեան:
Աւելի քան մէկ ժամ տեւած զրոյցի ընթացքին շօշափուած են հայ-ռուսական յարաբերութիւններուն, Հայաստանի ներքին իրավիճակին եւ տարածաշրջանային անվտանգութեան առնչուող հարցեր:
