Freedom House միջազգային իրաւապաշտպան կազմակերպութիւնը ողջունած է Հայաստանի եւ ԱՄՆ-ի միջեւ ստորագրուած ռազմավարական գործընկերութեան մասին կանոնադրութեան ստորագրումը:
«Կ’ողջունենք ԱՄՆ-Հայաստան ռազմավարական գործընկերութեան յանձնաժողովի կանոնադրութեան ստորագրումը որպէս Հայաստանի շարունակական յառաջընթացի եւ ժողովրդավարական զարգացման յանձնառութեան վկայութիւն։
«Հայաստանի կառավարութեան կոչ կ’ընենք յառաջ տանելու այն բարեփոխումները, որոնք վերջինս խոստացած է ձեռնարկել, ներառեալ՝ խտրականութեան դէմ օրէնքի ընդունումը»,- ըսուած է հաղորդագրութեան մէջ:
Յունուար 14-ին Ուաշինկթընի մէջ Հայաստանի եւ ԱՄՆ-ի միջեւ ստորագրուած է ռազմավարական գործընկերութեան մասին փաստաթուղթ։
Աւելի ուշ հրապարակուած է նաեւ համագործակցութեան փաստաթուղթի ամբողջական բնագիրը։