Տեղի ունեցած է Շարլ Ազնաւուրի 100-ամեակին նուիրուած «Jamais» («Երբեք») երգի եւ տեսահոլովակի առաջին ցուցադութիւնը:
Երգը նուիրուած է Շարլ Ազնաւուրին ու պատրաստուած է մայեսթրոյի 100-ամեակի շրջանակին մէջ՝ Կառավարական յանձնաժողովի որոշմամբ, ԿԳՄՄ նախարարութեան եւ Հրաչեայ Պողոսեան հիմնադրամի աջակցութեամբ։
Նախագիծին վրայ հսկայական խմբակ աշխատած է Հայաստանի եւ Ֆրանսայի մէջ։
Երգի խօսքերուն հեղինակը Պաթիսթ Ֆոմերն է, երաժշտութեան հեղինակը՝ երաժշտահան Շուշան Սարգսեանը: Նախագիծին մէջ ընդգրկուած են 10 յայտնի արուեստագէտներ Ֆրանսայէն եւ Հայաստանէն՝ Հելեն Սեկարա, Ժուլիեն Տասեն, Ճուլիանա Գրիգորեան, Սոնա Ռուբէնեան, Գէորգ Յակոբեան, Մաշա Մնջոյեան, Աննա Խաչատրեան, Արամ MP3, Յովհաննէս Այվազեան եւ Էրիկ Կարապետեան:
Երգի տեսահոլովակը արդէն հասանելի է համացանցին վրայ:
