Միացեալ Նահանգները կրնայ պատժամիջոցներ սահմանել ատրպէյճանցի պաշտօնատար անձերու նկատմամբ՝ հայ ռազմագերիներու խոշտանգումներու եւ արտադատական մահապատիժներու պատճառով, յայտարարած է Human Rights First իրաւապաշտպան կազմակերպութեան հաշուետուութեան ենթակայ բաժնի աւագ տնօրէն Ատամ Կիթը ԱՄՆ Ծերակոյտի Արտաքին յարաբերութիւններու յանձնաժողովի նիստին ժամանակ։
Ան այսպէս պատասխանած է ծերակուտական Քրիս Վան Հոլենի հարցումին՝ հայերու դէմ կատարուած յանցագործութիւններու պատճառով Պաքուի դէմ «Մակնիթսքիի արարք» օգտագործելու մասին։
«Լեռնային Ղարաբաղի առումով զինուած հակամարտութեան հետ կապուած որոշ գործողութիւններ վարչակազմը կրնայ ի վիճակի չըլլալ դիտարկելու մարդու իրաւունքներու հարցերով «Մակնիթսքիի արարքի» շրջանակներուն մէջ: Սակայն այն դէպքերը, որոնք դուրս կու գան այս ծիրէն, ներառեալ բանտարկեալներու արտադատականմահապատիժները, խոշտանգումները կամ սեռային բռնութիւնները, ամբողջովին կրնան համապատասխանել չափանիշերուն եւ պատշաճ հիմք հանդիսանալ այս գործիքի կիրառման համար»,- ըսած է Կիթ:
