Հայաստանի մէջ Ֆրանսայի դեսպան Օլիվիէ Տըքոթինյի անդրադարձած է Լեռնային Ղարաբաղի հայերու՝ իրենց տները վերադառնալու իրաւունքին՝ յիշեցնելով անոր վերաբերեալ Արդարադատութեան միջազգային դատարանի որոշումը։
Դեսպանը գրառում կատարած է X-ի իր էջով։
«2023 թուականի Նոյեմբեր 17-ին Արդարադատութեան միջազգային դատարանը ամրագրեց Լեռնային Ղարաբաղը հարկադրուած լքած հայերու՝ իրենց տուները վերադառնալու իրաւունքը։ Մէկ տարի անց, Ատրպէյճանին ուղղուած այս հրամանը կը մնայ անկատար։ Ֆրանսա ոչինչ կը մոռնայ եւ ոչինչ կը զիջի՝ ոչ անոնց վերադարձի իրաւունքի, ոչ ալ մշակութային եւ կրօնական ժառանգութեան պաշտպանութեան հարցով»,- գրած է Տըքոթինյի։
