Վարչապետ Նիկոլ Փաշինեան Հունգարիոյ մայրաքաղաք Պուտաթեշթի մէջ կը մասնակցի Եւրոպական քաղաքական համայնքի հինգերորդ գագաթաժողովին: Միջոցառման բարձրաստիճան հիւրերը դիմաւորած է Հունգարիոյ վարչապետ Վիքթոր Օրպան:
Յաջորդիւ տեղի ունեցած է գագաթաժողովի բացման արարողութիւնը:
Վարչապետ Փաշինեան շարք մը երկիրներու առաջնորդներու հետ մասնակցած է նաեւ «Տնտեսական անվտանգութիւն» խորագրով կլոր-սեղան քննարկման, որ տեղի ունեցած է փակ ձեւաչափով:
Տեղի ունեցած է նաեւ գագաթաժողովին մասնակից պետութիւններու առաջնորդներու համատեղ տեսալուսանկարահանման արարողութիւնը:
Գագաթաժողովի շրջանակին մէջ նախատեսուած են վարչապետ Փաշինեանի հանդիպումները տարբեր երկիրներու գործընկերներու հետ:
