Այս տարի պիտի սկսին Հին Երեւանի՝ Հանրապետութեան Հրապարակին տակ գտնուող պատմական շերտի բացման եւ զայն թանգարանային հատուածի վերածելու աշխատանքները: Այս մասին Ֆէյսպուքի իր էջին վրայ գրած է ՀՀ վարչապետ Նիկոլ Փաշինեան:
«Հանրապետութեան Հրապարակը՝ իբրեւ արդիւնք՝ պիտի դառնայ շատ աւելի տեսարժան վայր»,- գրած է վարչապետը:
Կրթութեան, գիտութեան, սփորթի եւ մշակոյթի նախարար Արայիկ Յարութիւնն ալ «Ֆէյսպուք»-ի էջին նշած է, որ հին քաղաքը վերականգնելու հնարաւորութիւնները կը քննարկէ մասնագէտներու հետ:
