Home ԳԼԽԱՒՈՐ ԼՈՒՐԵՐ Հայաստանի Համախառն Ներքին Արդիւնքը Արձանագրած Է Աճª Առաջ Անցնելով Վրաստանէն

Հայաստանի Համախառն Ներքին Արդիւնքը Արձանագրած Է Աճª Առաջ Անցնելով Վրաստանէն

by MassisPost

Արժոյթի միջազգային հիմնադրամի (IMF) տուեալներով, մէկ շունչին ինկող համախառն ներքին արդիւնքով Հայաստանը 2019-ին առաջ անցած է Վրաստանէն, իսկ այս տարի պիտի անցնի նաեւ Ատրպէյճանէն։

Հիմնադրամի պաշտօնական կայքէջին մէջ հրապարակուած թիւերուն համաձայն, 2019 թուականին Հայաստանի մէջ մէկ շունչին ինկող համախառն ներքին արդիւնքը (ՀՆԱ) կազմած է 4530 տոլար, Վրաստանի մէջ՝ աւելի քիչ 4290, իսկ Ատրպէյճանի մէջ աւելի շատ՝ 4690։ Սակայն արդէն այս տարի, համաձայն IMF-ի գնահատականի, Հայաստանի մէջ մէկ շունչին բաժին պիտի իյնայ 4760 տոլար, Ատրպէյճանի մէջ այն պիտի կազմէ 4720, իսկ Վրաստանի մէջ ա՛լ աւելի քիչ՝ 4630 տոլար։

Կանխատեսման համաձայն, 2020 թուականի արդիւնքներով 15 հանրապետութիւններու շարքին Հայաստանը պիտի զբաղցնէ 8-րդ տեղը՝ հակառակ 1988-ի երկրաշարժին, ղարաբաղեան պատերազմին, շարունակուող շրջափակման եւ տասնամեակներ տեւած քորումփացուած համակարգին։

Ըստ IMF-ի, յետխորհրդային երկիրներէն 2020 թուականին առաջին տեղը պիտի զբաղցնէ Էսթոնիան՝ 24 հազար 800 տոլար ցուցանիշով, վերջին հորիզոնականին Տաճիկստանը՝ 910 տոլարով։

Էսթոնիա / $24,800
Լիթվա / $20,350
Լաթվիա / $19,100
Ռուսաստան / $11,310
Ղազախստան / $9,670
Թուրքմենստան / $8,990
Պելառուս / $6,740
Հայաստան / $4,760
Ատրպէյճան / $4,720
Վրաստան / $4,630
Ուքրանիա / $3,880
Մոլտովա / $3,470
Ուզպեքստան / $2,090
Ղրղզստան / $1,340
Տաճիկստան / $910

Նշենք նաեւ՝ եթէ Հայաստանն առաջ պիտի անցնի Ատրպէյճանէն ու Վրաստանէն, ապա տակաւին պիտի զիջի Թուրքիոյ, ուր մէկ շունչին ինկող համախառն ներքին արդիւնքը (ՀՆԱ) 2020 թուականին պիտի կազմէ 9680 տոլար, եւ՝ Իրանին, ուր այդ թիւը 5500 տոլար պիտի ըլլայ։

Հարակից Նյութեր

Leave a Comment