Լեռնային Ղարաբաղի անկախութեան 25 տարուան ամենամեծ ձեռքբերումը այն է, որ «Արցախի Հանապետութիւնը` որպէս անկախ, ինքնուրոյն, ինքնիշխան ժողովրդավարական պետութիւն կայացած է»,- «Ազատութեան» հետ զրոյցին յայտարարեց Ղարաբաղի նախագահի աշխատակազմի ղեկավարի տեղակալ Դաւիթ Պապայեանը:
«Երբ 25 տարի առաջ հռչակուեցաւ Արցախի Հանրապետութիւնը, հռչակուեցաւ շատ ծանր պայմաններու մէջ` Ազրպէյճանի շրջափակման, տագնապի, կոտորածներու, այնուհետեւ լայնածաւալ պատերազմ սկսեցաւ Ազրպէյճանը Արցախի դէմ: Բայց ազգային ազատագրական պայքարը տրամաբանական զարգացում արձանագրեց, ստեղծուեցաւ Արցախի Հանրապետութիւնը: Այնուհետեւ սկսեցաւ ապաքինուիլ այդ հասցուած վնասէն, տնտեսութիւնը արդէն տեղափոխուեցաւ խաղաղ հունի վրայ, եւ նորմալ ձեւով կը զարգանայ», – ըսաւ Պապայեանը` շարունակելով․ – «Ի հարկ է, կան լուրջ խնդիրներ, կան բազմաթիւ սոցիալ-տնտեսական խնդիրներ, որոնք դեռեւս լուծուած չեն: Գիտէք կան բացթողումներ օրինակ` կարգաւորուած չէ ազրպէյճանա – ղարաբաղեան հակամարտութիւնը, դեռեւս ընելիքներ ունինք նաեւ տնտեսութիւնը աւելի զարգացնելու, չնայած որ կարելի է ըսել, որ հիմնովին նոր տնտեսութեան ճիւղեր հիմնադրուած են Արցախի մէջ, օրինակ` լեռնահանքային արդիւնաբերութիւնը, հիտրոէնէրկէթիքան»:
«Արցախի մէջ կը նշեն անկախութեան 25-ամեակը, թէեւ որեւէ պետութիւն դեռեւս չէ ճանչցած Արցախի անկախութիւնը: Ասոր ինչպէ՞ս կարձագանգէք, ըստ Ձեզ` այս մէկը ղարաբաղցիներուն կանհանգստացնէ՛ »,
– այս հարցին ղարաբաղցի բարձրաստիճան պաշտօնեան արձագանգեց․
– «Այդ անկախութեան Տը ֆաքթօ մենք հասած ենք մեր տղաներու արեան գնով, իսկ այդ մէկը գին չունի: Ինչպէս կը վերաբերին տարբեր պետութիւններ մեր հանրապետութեան ճանաչման, ապա այդ մէկը միայն ժամանակի խնդիր է: Եւ այստեղ մենք գիտենք, որ շատ աշխարհաքաղաքական խնդիրներ կան, որոնք բախումի կ՛ենթարկուին տարբեր շահերու հետ: Բայց տեսէք` ինչ անդրադարձ ունեցած է ճանաչումը նահանգային, տեղականին ինքնակառավարման առումով, օրինակ` Լոս Անճելըս քաղաքը, որ աշխարհի ամենամեծ քաղաքներէն մէկն է, ճանչցած է Արցախի Հանրապետութիւնը: Այսինքն, աստիճանաբար յառաջ կ՛երթայ: Այո, մեզ ճանչցած են նաեւ երեք կիսաճանչցուած երկրներ` Աբխազիան, Հարաւային Օսիան, Մերձդնեստրը, բայց ընդհանուր առմամբ, կը կարծեմ, ժամանակը կու գայ` կը ճանչնան նաեւ այլ երկիրներ»:
Պապայեան ընդգծեց, որ ճանաչումը իրենց համար ինքնանպատակ չէ․
– «Բարեբախտաբար, մենք այդ չճանչցուած ըլլալու բարդոյթէն շատոնց արդէն ձերբազատուած ենք: Մենք կուզե՛նք, որ ճանչցուած ըլլանք, բայց մեր ժողովուրդը չընկճուիր, քանի որ դեռեւս ճանչցուած չէ: Ի վերջոյ, ճանաչումը այլ պետութիւններու կողմէ, ի հարկէ, կարեւոր է, բայց մենք արդէն իսկ տը ֆախթօ անկախ ենք եւ ինքնուրոյն կ՛որոշենք մեր ճակատագիրը»:
