Սփիւռքի նախարարութեան մէջ տեղի ունեցաւ միջգերատեսչական յանձնաժողովի հերթական նիստը
Օգոստոս 29-ին ՀՀ սփիւռքի նախարար Հրանուշ Յակոբեանի ղեկավարութեամբ տեղի ունեցաւ սուրիահայերու հիմնախնդիրները համակարգող միջգերատեսչական յանձնաժողովի հերթական նիստը:
Երեւանի դպրոցներէն ներս սուրիահայ երեխաներու ընտելացման մասին զեկուցումով հանդէս եկաւ Երեւանի քաղաքապետարանի հանրակրթութեան վարչութեան աշխատակից Սուսաննա Գասպարեան:
2015 թուականին կատարուած աշխատանքներուն եւ 2016 թուականին նախատեսուող ծրագիրներուն մասին զեկոյց ներկայացուցին «Օքսֆամ Հայաստան» ընկերութեան ծրագիրներու պատասխանատու Մարգարիտա Յակոբջանեանը, «Սէյվ տը չիլտրըն» ընկերութեան ծրագիրերը համակարգող Սիրանուշ Վարդանեան եւ «Եկեղեցիներու համաշխարհային խորհուրդի հայաստանեան միջ եկեղեցական կլոր սեղան» բարեգործական հիմնադրամի ծրագիրներու պատասխանատու Ալլա Սարգիսովան: Առաջարկուեցաւ ստեղծել ընկերային ծառայող հիմնարկ, զոր սուրիահայերու հետ աշխատող բանիմաց եւ պատրաստակամ խումբեր կը պատրաստէ:
Նախարար Հրանոյշ Յակոբեան կարեւոր նկատեց սուրիահայերու հիմնախնդիրներու լուծման ուղղութեամբ Երեւանի քաղաքապետարանի, «Օքսֆամ Հայաստան» եւ «Սէյվ տը Չիլտրըն» ընկերութիւններու, «Եկեղեցիներու համաշխարհային խորհուրդի հայաստանեան միջ եկեղեցական կլոր սեղան» բարեգործական հիմնադրամի համակարգուած, բարեխիղճ աշխատանքը: Անդրադառնալով Սուրիոյ մէջ տիրող իրավիճակին` նախարարը նշեց, որ եկեղեցւոյ եւ հասարակական կառոյցներուն միջոցով առայժմ կը յաջողին լուծել կրթական հարցերը: «Հալէպում գործում է վեց վարժարան, մօտ 200 դպրոցահասակ երեխայ կայ: Հայերը տեղաշարժւում են դէպի Լաթաքիա, Քեսապ: Պէտք է մեր օգնութիւնը այնպէս կազմակերպենք, որ եթէ մեր հայրենակիցները որոշեն Հայաստան տեղափոխուել, կարողանանք լուծել նրանց կեցութեան, աշխատանքի, ուսման, սոցիալական հարցերը: Իմ խնդրանքն է գերատեսչութիւնների, կազմակերպութիւնների ու կառոյցների ղեկավարներին` սրտացաւօրէն վերաբերուել ու սպառիչ, ուղղորդող պատասխաններ տալ սիրիահայերի դիմումներին, նամակներին, խնդրանքներին: Մեր բոլորի խնդիրն է` ամէն ինչ անել, որպէսզի նրանք Հայրենիքում հաստատուեն, արագ ինտէգրուեն: Ու նաեւ վստահ եմ, որ եթէ իւրաքանչիւր խոշոր կառոյց կարողանայ մէկ սոցիալական տուն կառուցել սիրիահայերի համար, շատ մեծ օգուտ կը լինի: Պէտք է շարունակենք միասին աշխատել: Շնորհակալ եմ կատարուած աշխատանքի համար», – աւելցուց Սփիւռքի նախարարը:
