Ֆուտբոլի Եվրոպայի 2012 թվականի առաջնության ընտրական մրցաշարում Հայաստանի հավաքականը տարավ երկրորդ անընդմեջ եւ առաջին խոշոր հաշվով հաղթանակը, Երեւանի Վազգեն Սարգսյանի անվան Հանրապետական մարզադաշտում երեքշաբթի օրը 4:0 հաշվով առավելության հասնելով Անդորրայի թիմի նկատմամբ:
Գոլերը խփեցին Գեւորգ Ղազարյանը` 4-րդ րոպեին, Հենրիխ Մխիթարյանը` 16-րդ րոպեին, Յուրա Մովսիսյանը` 33-րդ րոպեին, Մարկոս Պիզելին` 52-րդ րոպեին:
Գեւորգ Ղազարյանի խփած գնդակը Հայաստանի ազգային հավաքականի 100-րդ գոլն է պաշտոնական հանդիպումներում:
Ընտրական մրցաշարի 3-րդ փուլում Հայաստանը 3:1 հաշվով հաղթել էր Սլովակիայի ուժեղագույն թիմին:
Հայաստանի թիմը ընտրական մրցաշարի 4-րդ փուլից հետո 7 միավորով ժամանակավորապես գլխավորեց ընտրական B խմբի մրցաշարային աղյուսակը:
Այդուհանդերձ, ժամեր անց Ռուսաստանի հավաքականը 1:0 հաշվով հաղթեց Մակեդոնիային եւ 9 միավորով զբաղեցրեց առաջին տեղը, իսկ Իռլանդիան, Հայաստանը եւ Սլովակիան 7-ական միավորով կիսում են երկրորդ, երրորդ եւ չորրորդ տեղերը: B խմբի մրցաշարային աղյուսակի այս տեսքը կպահպանվի մինչեւ 2011 թվականի մարտի վերջը, երբ նախատեսված են 5-րդ փուլի հանդիպումները:
Ընտրական մրցաշարի հաջորդ հանդիպումը նույնպես Հայաստանի հավաքականը կանցկացնի Երեւանում` եկող տարվա մարտի 26-ին ընդունելով Ռուսաստանի թիմին:
YEREVAN — Heads of state, senior government officials, and representatives of international organizations have gathered…
YEREVAN — Armenian Prime Minister Nikol Pashinyan met with Iranian President Masoud Pezeshkian on the…
YEREVAN — Armenian Security Council Secretary Alen Simonyan said Armenia and Azerbaijan are discussing the…
WASHINGTON, D.C. — The Armenian Council of America (ACA) joined U.S. government officials, diplomats, and…
YEREVAN -- United Nations Secretary-General António Guterres, who arrived in Armenia to participate in the…
YEREVAN — The normalization process between Armenia and Turkey, which began in January 2022, has…