Չկայ հաշուարկի ժամանակ գէթ մէկ քուէ գողցուած կամ կեղծուած ըլլալու արժանահաւատ ահազանգ, գրած է «Անկախ դիտորդ» առաքելութեան ներկայացուցիչ Դանիէլ Իոաննիսեանը։
«Հաշուարկը իրականացնող ընտրական յանձնաժողովների անդամների կէսը (8–ից 4–ը) ընդդիմութիւնից է նշանակուած։ Բոլոր տեղամասերում եղել են հիմնական ընդդիմադիր ուժերի վստահուած անձինք։ Համարեա բոլոր տեղամասերում եղել են դիտորդներ կամ լրագրողներ։ Տեղամասերի տեսախցիկների մօտ 98 տոկոսը բնական աշխատել են։
«Որեւէ տեղամասից չկայ գոնէ մէկ վստահուած անձ, դիտորդ, յանձնաժողովի անդամ, ով քուէարկութեան արդիւնքների կեղծման մասին հասցէական ահազանգ կու տայ։ Չկայ։ Չկայ նաեւ նման բանի մասին վկայող որեւէ տեսանիւթ։ Չկայ։
«Այս ընտրութիւնների մասին շատ բան կարելի է ասել։ Բայց գէթ մէկ քուէ չի կեղծուել։
«Յ․Գ․ Կարող են լինել դէպքեր, որ յանձնաժողովը խնդրայարոյց կերպով է անվաւերութիւն որոշել, կարող են լինել տեխնիկական վրիպակներով համակարգ մուտքագրուած արձանագրութիւններ։ Այդ ամէնը յառաջիկայ օրերին կը պարզուի ու կը շտկուի։ Հէնց այդ շտկումների համար է նախնական ու վերջնական արդիւնքների տարբերութիւնը։
«Եթէ որեւէ ուժ համարում է, որ որեւէ տեղամասում հաշուարկի ժամանակ խախտում է եղել, առաջարկում եմ դիտել այդ տեղամասի հաշուարկի ամբողջական տեսագրութիւնն ու դիմել վերահաշուարկի»։
