«Հայաստան» եւ «Պատիւ Ունեմ» խմբակցութիւնները հանդիպում ունեցած են եւ, ըստ էութեան, կողմերը հանգուցալուծման չեն եկած վարչապետին անվստահութիւն յայտնելու հարցին հետ կապուած:
Դեռ քննարկման ընթացքին «Պատիւ Ունեմ» խմբակցութեան ղեկավար Հայկ Մամիջանեան ընկերային ցանցին վրայ հրապարակեց իրենց վեց պատգամաւորներուն ստորագրութիւնները՝ ակնյայտօրէն ակնարկելով, որ ընդդիմադիր ամենամեծ՝ «Հայաստան» խմբակցութիւնը դեռ չէ ստորագրած այդ ձեւաթուղթին տակ:
«Հայաստան»-էն Իշխան Սաղաթէլեանը լրագրողներու հետ զրոյցին ըսաւ, որ իրենք պատրաստ են 28 ստորագրութիւն տալու, եթէ յայտարարութենէն բացի, զուգահեռ փողոցային պայքար սկսին: Ըստ Իշխան Սաղաթէլեանի՝ իրենց համար անորոշ է, թէ երբ պիտի սկսի այդ գործընթացը:
«Պէտք է ջանքերը կեդրոնացնել եւ իրօք փորձել համապատասխան ստորագրութիւններն ունենալ, որ այս գործընթացը տարուի յառաջ: Եթէ բոլորի հասկացողութիւնը սա է, մենք պատրաստ ենք այդ ուղղութեամբ քայլել», – նշեց ան:
Երրորդ նախագահ Սերժ Սարգսեանի խմբակիցները կ’առաջարկն վարչապետ Փաշինեանը փոխարինել Մասիսի քաղաքապետ Դաւիթ Համբարձումեանով: Զայն առաջադրած են վարչապետի թեկնածու:
«Հայաստան» դաշինքը առարկութիւն չունի «Պատիւ Ունեմ»-ի թեկնածուին վերաբերեալ:
