Հայազգի խմբավար Տոմինկօ Հինտոյեան նշանակուած է Լոս Անճելըսի օփերային թատրոնի երաժշտական տնօրէն, այս մասին յայտնած է «Washington Post»-ը:
Լրատուամիջոցին փոխանցմամբ՝ 45-ամեայ Հինտոյեանը այդ պաշտօնին պիտի փոխարինէ երկարամեայ տնօրէն Ճէյմզ Քոնլոնը։
«Լոս Անճելըսը յայտնի է երաժշտական տեսանկիւնէն իր նորարութիւններով, արկածախնդրական բեմադրութիւններով։ Գաղափարը նոր ստեղագործութիւններ, պատուէրներ, ժամանակակից ստեղծագործութիւններ կատարելն է, բան մը, որ իսկապէս կը հաւասարակշռէ այն, ինչ որ կը համարուի դասական, եւ շարունակել այնքան, ինչքան հնարաւոր կ’ըլլայ»,- Նիւ Եորքի մէջ կը յայտարարէր աշխարհահռչակ երաժիշտը:
Ամերիկեան լրատուամիջոցներուն փոխանցմամբ՝ յաջորդ տարի ուժի մէջ մտնող Հինտոյեանի 5-ամեայ աշխատանքային պայմանագրին համաձայն՝ 2026-2027 թատերաշրջանի ընթացքին անոր վստահուած է երեք բեմադրութիւն։
Հինտոյեան ծնած է Վենեզուելայի Քարաքաս քաղաքը, հայրը՝ յայտնի ջութակահար եւ Վենեզուելայի «Օրքեսթրա Սիմֆոնիքայի» նախկին նախագահ Տոմինկօ Կարսիան է, մայրը Վենեզուելայի օրէնսդիր մարմինի իրաւաբան Վիքի Հինտոյեանը:
Տոմինկօ Հինտոյեանը աշխատած է Պեռլինի Deutsche Staatsoper նուագախումբին մէջ, 2018-ին դարձած է Մեթրոփոլիթեն Օփերայի նուագախումբի ղեկավարը։ 2019-ին հրաւիրուած է Մեծ Բրիտանիա՝ ղեկավարելու Լիվըրփուլի թագաւորական նուագախումբը, զուգահեռաբար նաեւ Լեհաստանի ազգային սիմֆոնիկ նուագախումբը:
