Պերլին գտնուող Հայաստանի պաշտպանութեան նախարար Սուրէն Պապիկեանը հանդիպած է Գերմանիոյ պաշտպանութեան դաշնային նախարար Պորիս Փիսթորիուսի հետ:
Նախարարները քննարկած են պաշտպանութեան ոլորտին մէջ Հայաստան-Գերմանիա համագործակցութեան ընթացքը եւ զարգացման հեռանկարները:
«Բարձր ենք գնահատել գործակցութեան ներկայ մակարդակը եւ այն ընդլայնելու պատրաստակամութիւն յայտնել», – գրած է Սուրէն Պապիկեան Թելեկրամով:
Պապիկեան եւ Փիսթորիուս անդրադարձած են նաեւ տարածաշրջանային ու միջազգային անվտանգութեանն առնչուող հարցերու:
Սուրէն Պապիկեան մեկնած է Պերլին՝ մասնակցելու ՄԱԿ-ի խաղաղապահութեան նախարարական հանդիպման բացման պաշտօնական արարողութեան:
Նախօրէին ան հանդիպում ունեցած է Միացեալ Թագաւորութեան իր պաշտանակիցին, ապա նաեւ ոչ-պաշտօնական շփումներ Չինաստանի, Ղազախստանի, Վրաստանի պաշտպանութեան նախարարներու, ՄԱԿ-ի գլխաւոր քարտուղարին, Գերմանիոյ արտաքին գործերու դաշնային նախարարին հետ:
