Հայ Մարմնամարզական Միութեան Լիբանանի շրջանի Հեծելարշաւի տարիներու Ախոյեան՝ Վազգէն Մէլիքեան վերջերս մասնակցած է Հայ Ոսկերչական Ընկերութեան (Armenian Jewelers Association – AJA ) կազմակերպած համաշխարհային մրցանքին՝ «Լաւագոյն Տիզայն» խորագրով:
Սոյն մրցաշարքը` մեծ մասնակցութեամբ ` ընթացթ առած է Դեկտ. 2024-էն – Յունուար 2025 եւ ընտրուած են հինգ հայեր` իրենց բացառիկ ճաշակին եւ իւրայատուկ ստեղծագործութեան համար:
Վազգէն Մէլիքեան , մարզիկ մը ըլլալու կողքին՝ Լիբանանի մէջ մասնագիտացած է ոսկերչական «Տիզայն»ի մէջ եւ արտադրած է յատուկ կտորներ :
Այժմ ան կը բնակի Նիւ Ճըրսիի մէջ եւ կ՛աշխատի Նիւ Եորքի անուանի ոսկերչական տան մը մէջ:
Կու գանք տեղեկացնելու նաեւ մնացեալ չորս հայ ընտրուողներուն անունները .- Մայք Սահաճի, Կարէն Յովհաննէսեան, Վլատիմիր Մանուքեան, եւ Արմէն Շահինեան , որոնք նաեւ պիտի մասնակցին Ժընէւի մէջ կայանալիք հսկայ Ոսկերչական Ցուցահանդէսի մը :
Յաջողութիւն կը մաղթենք մեր հինգ հայ ոսկերիչ – տիզայնըրներուն , որոնք անպայմանօրէն իրենց գործերով եւ նուաճումներով Մեր Հայ անունը միշտ բարձր պիտի պահեն:
