ՀՀ վարչապետ Նիկոլ Փաշինեան Միւնիխի Անվտանգութեան համաժողովի շրջանակին մէջ հանդիպում ունեցած է Եւրոպական Խորհուրդի նախագահ Անթոնիօ Քոշթայի հետ:
Զրուցակիցները քննարկած են Հայաստան-Եւրոպական Միութիւն համագործակցութեան օրակարգին վերաբերող շարք մը հարցեր:
Վարչապետը կարեւորած է ԵՄ շարունակական աջակցութիւնը Հայաստանի մէջ ժողովրդավարական բարեփոխումներու հետեւողական յառաջմղման ուղղութեամբ: Նիկոլ Փաշինեան ընդգծած է, որ բարեփոխումներու օրակարգի լիարժէք իրականացումը ՀՀ կառավարութեան առաջնահերթութիւններէն մէկն է:
Միաժամանակ, երկրին ղեկավարը շեշտած է, որ Հայաստան կը կարեւորէ ԵՄ-ի հետ բազմակողմ կապերու ընդլայնումն ու զարգացումը` տարբեր ոլորտներու մէջ կարողութիւնները զարգացնելու նպատակով:
Անթոնիօ Քոշթա ողջունած ՀՀ կառավարութեան քայլերը՝ միտուած ժողովրդավարութեան ամրապնդման եւ հաստատութենական բարեփոխումներու կեանքի կոչման ուղղութեամբ: Միաժամանակ, Եւրոպական Խորհուրդի նախագահը յայտնած է ԵՄ յանձնառութիւնը՝ ամրապնդելու ընդհանուր արժէքներու վրայ հիմնուած գործընկերութիւնը եւ խորացնելու համագործակցութիւնը բոլոր ոլորտներուն մէջ:
Զրուցակիցները քննարկած են Հայաստանի եւ Ատրպէյճանի միջեւ խաղաղութեան գործընթացին, տարածաշրջանային հաղորդակցութեան ուղիներու ապաշրջափակման հնարաւորութիւններուն, ՀՀ կառավարութեան «Խաղաղութեան Խաչմերուկ» նախագիծին վերաբերող հարցեր:
Միաժամանակ, Անթոնիօ Քոշթա կարեւորած եւ ողջունած է ՀՀ կառավարութեան՝ խաղաղութեան միտուած քայլերն ու նախաձեռնութիւնները:
